الحوار المتمدن - موبايل
الموقع الرئيسي


ماتش مصر و الخسائر

عمر عبد العزيز

2009 / 11 / 22
الادب والفن


راس تدِّفن في أيدين
نظرة ذهول في العين
كسرة و حسرة و ألم
خدش في جُرح التأم
هينِز تاني سنين
العجز كاسي الملامح
بننضرب و نسامح
أعلام بتتنكس
تطوي في حلم النصر
راديو بيتنفس
يصرخ حبيبتي يا مصر
آه يا حبيبتي يا مصر
دمعة بتتمرد
على ورث كله خضوع
و ف لحظة يجاوبها
فيض نهنهة و دموع
و يعلى نشيج مهزوم
لشعب سكنه الشجن
بيبكي هزيمة ماتش
ولا خسارة وطن


شعر/ عمر عبد العزيز
22/11/2009





التعليق والتصويت على الموضوع في الموقع الرئيسي


التعليقات

1 - رائعة
سينثيا فرحات ( 2009 / 11 / 22 - 21:55 )
بيبكي هزيمة ماتش
ولا خسارة وطن؟ صحيح.....

رائعة يا عمر بجد

2 - الوجع جاي من الكورة
محمد البدري ( 2009 / 11 / 22 - 22:46 )
كلمات رقيقة وناعمة كلها الم ووجع. حتي الكورة والرياضة بقوا مصدر الم وحزن للمصريين. حياتهم سودا تحت سقف واقع اسمه الحزب الوطني ولجنة سياساته. يا تري مين اللي هينتصر بكرة الناس في الشارع علي الحزب ولا اللعيبة في ماتش تاني خيبان. ولا الهزيمة بقت قدر المصريين. شكرا للشاعر النبيل عمر

3 - أكثر من رائعة
سحر كامل ( 2009 / 11 / 23 - 10:00 )
كلماتك أكثر من رائعة يا عمر.. عبرت عن مشاعر 80 مليون ما بين باكي ومكسور

4 - مؤثرة
رودانيا ( 2009 / 11 / 23 - 10:57 )
مؤثرة جداً و بتعبر بعمق عن الواقع اللي بنعيشه

5 - صدمة
عمرو مصطفى ( 2009 / 11 / 23 - 12:31 )
ايه الشعر الرائع ده، بصراحة اللي صدمني بعد ما خلصت القراءة اني لقيت اسم شاعر مش معروف انا كنت بحسب هلاقي اسم بيرم التونسي صلاح جاهين جمال بخيت
بصراحة روعة روعة روعة كمل و يا ريت تبعتلنا باقي اشعارك.

6 - omar ilmasry
kawsar ( 2009 / 11 / 23 - 12:41 )
really i felt all ur honest feelings about what happened that day u reached me how it was painful for Egyptians to loss their dreams about victory u were right on every word ..we crying our home ...our real nation.....really if i have ur writing gift i wouldnt express in that beautiful way that u did please keep feeling us with your words

7 - omar ilmasry
kawsar ( 2009 / 11 / 23 - 12:43 )
really i felt all ur honest feelings about what happened that day u reached me how it was painful for Egyptians to loss their dreams about victory u were right on every word ..we crying our home ...our real nation.....really if i have ur writing gift i wouldnt express in that beautiful way that u did please keep feeling us with your words

8 - ه يا حبيبتي يا مصر
kawsar ( 2009 / 11 / 23 - 13:01 )
عمر النبيل بجد انا حسيت مصريتك الصادقه في كل كلمه انت كتبتها لو انا عندي ملكه الكتابه اللي عندك ...فعلا مكنتش ها قول اكتر من كده فعلا كلنا بنبكي بلدنا مش موضوع ماتش.
آه يا حبيبتي يا مصر...

9 - ولادة شاعر
ابراهيم عطوة ( 2009 / 11 / 23 - 13:09 )
إن ما قرأته اليوم من هذه الكلمات الرقيقة المؤثرة تتنبأ بولادة شاعر متميز له حس فني وطني مختلف ومؤثر في القلب والعقل وتدل كلماته على عشقه الشديد للوطن واحساسه بالطبقة الكادحة وأمله في التغيير للأفضل مع خالص تحياتي

10 - ثقافة البكاء و زغروطة الوعي !!!!؟
سعد فتحي ( 2009 / 11 / 23 - 14:38 )
الشاعر عمر عبد العزيز .. بشكرك شكر خاص و بحييك بشدة علي ما كتبته من كلمات قلية ولكنها كاشفة بحق لما نعيشة من ثقافة سادت علي المصريين - الان وهي ثقافة البكاء ! وهو ما كتبته انت حين قلت
و يعلى نشيد مهزوم لشعب سكنه الشجن
بيبكي هزيمة ماتش ولا خسارة وطن
الفنان عمر - خليني احييك علي رصدك لهذه الحالة الجديدة علي مصر . حالة البكاء - وهو ما شاهدناه بعيوننا علي الشاشات الفضائية !! هل هي دي مصر صاحبة الملاحم العظيمة في الانتصارات علي كل معتدي ؟! هل ما نشاهده اليوم من بكائيات الرجال يتشابه مع ما قمنا به من طرد للمستعمر الانجليزي و المعتدي الاسرائيلي ؟!! الم يذكر التاريخ الجديث بان الهزيمة الاسرائيلية الوجيدة جائتهم علي يد المصريين ؟!! دعنا نتذكر كلمات عمنا جاهين لما سجل حالة الاعزاز اللي عند المصريين لما قال
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت
ده اللي سجله عمنا صلاح عن مصريين الانتصارات للوطن ومش بس كدة دا اكد علي ( ومسحت دموعي في كمي ومن ساعتها وعيت) علي اسم مصر
هل يمكن لنا ان نفوق و نعي اهمية اسم مصر ؟ هل ان الاوان ان نعي ان اسم مصر ليس كاسم العروبة

11 - أكثر من رائع
كمال مغيث ( 2009 / 11 / 23 - 16:57 )
بين الحدث العابر واللحظى
والهم الدائم .. والاحباط المقيم

وبين الأمل فى انتصار مجانى وعابر وسريع
يدخل الى النفوس العطشى ومضات من السراب
والى القلوب المعتمة ومضات من شعاع كاذب
ومعاناة الهزيمة القاسية على انغام معزوفة الشماتة من الإهانة
بالأصوات وإشارات الذراع والأصبع الوسطى.. ومطاردة الكلاب الضالة الغريبة فى المدينة
البعيدة
وبين الرغبة فى الصراخ العالى المنطلق من كل تنظيم
ثورة ويأسا وطلبا للنجدة
واللغة الشاعرية المرتبة والموزونة
التى تبحث عن جوهر الجمال والخلود
احييك واحبك ايها الشاعر النبيل

كمال مغيث

12 - تصبحون لو على حلم وطن
هاملت المصري ( 2009 / 11 / 24 - 00:35 )
عمر .. نظل نحلم بالفتات .. حيث انتصار حتى كروي ..لا يكمل وعده .. سرابي احلام الوطن اللقيط .. طوق نجاة لغريق يعرف ان عصا موسى انكسرت .. والغار فارغ بلا بيض حمام ولا خيط عنكبوت ..لا معجزة اليوم .. فلنسهر دون خبز ودون حرية .. ونغلق كل النوافذ التي تطل على الصحراء على البداوة .. لنعرف ان الإنسان هو القضية والإنسان هو الحل

اخر الافلام

.. إعلام إيراني يناقض الرواية العراقية حيال -قاعدة كالسو- وهجما

.. شبّه جمهورها ومحبيها بمتعاطي مخدر الحشيش..علي العميم يحلل أس



.. نبؤته تحققت!! .. ملك التوقعات يثير الجدل ومفاجأة جديدة عن فن

.. كل الزوايا - الكاتب الصحفي د. محمد الباز يتحدث عن كواليس اجت



.. المخرج الاردني أمجد الرشيد من مهرجان مالمو فيلم إن شاء الله