الحوار المتمدن
- موبايل
الموقع
الرئيسي
صالة الإنتظار
عمر عبد العزيز
2009 / 11 / 25الادب والفن
كتير بحس بإنها صالة انتظار
الكل مستني لساعات
تطول يا تقصر ... و حد تاني اللي بإيديه القرار
فيه ناس بتستني الفرح
وناس بتستني الفرج
و الكل مستني له يوم ... يتكسي حلمه بخضار
كل البشر مستنيين
اللي بيضحك و اللي ماليه الأنين
اللي بيكره و اللي دايب م الحنين
كله يقولّك إني هرتاح بعد لما
و لما تحصل بعد منها لسه لما
و لما تيجي يبقى نستنى للما
و إن ما جتشي تتقلب شكوى و مذمّة
عشان كده الغربة شايفها مأصّلة ف كل النفوس
بحس إن الحظ مهما يوم غازلنا لسة برضه في الوشوش لمحة عبوس
و لما يترآى لعيونّا حلمنا قرب المعاد
و نبتدي نآمن للحظة فيها نرتاح م السهاد
ييجي فجأة الدور علينا
تصبح الأجساد جماد تقلب الروح ع الحياد
و تتملي الصالة بناس جديدة و بأحلام جداد
نكتشف إن انتظارنا خسايرنا و انتصارنا و انكسارنا
و الصراع على ايه اللي راح و ايه اللي جالنا
كل ده كان تسليه
كله كان أصلاً هزار
جوه صالة الإنتظار
ايوه دي صالة انتظار
|
التعليق والتصويت على الموضوع في الموقع الرئيسي
التعليقات
1 - الانتظار و القطار
سعد فتحي
(
2009 / 11 / 26 - 18:50
)
بص بقي يا فنان كدة الموضوع كبييير لاني كتير اقرأ قصائد معرفش اشوف منها شخصية كاتبها - و دة مش حاصل معاك - فا اللي يكتب قصديدة قطار البشر و بعدها صالة الانتظار - هو مهموم و متأثر وله موقف واضح مش ملتبس ولا مرتك . لانك لما تكتب ( نكتشف إن انتظارنا خسايرنا و انتصارنا و انكسارنا
و الصراع على ايه اللي راح و ايه اللي جالنا
كل ده كان تسليه) فا اللي يقول كدة يبقي شايف ان الانتظار و الثبات راح يخلي قساوة القطار تذيد من مرارات الهوائم و الانكسار و يصبح انتظارنا كلة كان هوار
شكر و تقدير لهذا الوعي اللي ممزوج بموهبة مرهفة
بحق امتعتني شكرا يا عمر
.. كل يوم - لقاء في الفن والثقافة والمجتمع مع الكاتب والمنتج د/
.. الفنان أحمد سلامة: الفنان أشرف عبد الغفور لم يرحل ولكنه باقي
.. إيهاب فهمي: الفنان أشرف عبد الغفور رمز من رموز الفن المصري و
.. كل يوم - د. مدحت العدل يوجه رسالة لـ محمد رمضان.. أين أنت من
.. كل يوم - الناقد الرياضي عصام شلتوت لـ خالد أبو بكر: مجلس إدا