الحوار المتمدن - موبايل
الموقع الرئيسي


مدن عايشة

عمر عبد العزيز

2009 / 12 / 29
الادب والفن

بلادنا حياه
مدن عايشين
مش لحم و دم نفّس و أنين حنان و حنين
شوارع و دروب و حارات
مباني نوادي و استراحات
بيوت و قهاوي أو سينمات و فيها بارات
مدن شابة مدن حابّة مدن كارهة مدن أموات
و دي صبية و دي عفيّة و دي غلبانة محنية
مدن مقهورة و حزينة
مدن ساكتة و مالهاش صوت
بتهمس لما بتشوفك بحبك موت
شوارع دافية توحشها و دي بيوتها: قلوب ستات
قلوب من قش أو من طوب قلوب اسمنت برضه تدوب و مش بتتوب
ده قلب حزين و فاضي ساعات
حاراتها و الدروب دراعات
تحس فيها بالضمة في حضن ميدان
طيب يوسع اللمة و لحن آدان
خطاوي تمشي في دروبها
علامة في قلبنا قلوبها
نحس بطعم للمشية و ريحة من الأزل عايشة
و بتلاقي مدن ظالمة
قلوبها ضيقة ضلمة أكيد طاردة
شوارع مالذنوب شاردة
كبيرة السن فيها شروخ
تتوه فيها الحقوق و تدوخ
كمان تلقى مدن عِيرة بضحكة تحسها أميرة
باروكة شعرها هايش و لمّة الحسرة في ضفيرة

بلادنا حياة بتشبهنا ملامح شكلها مِنّا
نعيش ساكنينها في قلوبها نموت ارواحنا تسكنها

---

---

---

التعليق والتصويت على الموضوع في الموقع الرئيسي

---

.. أشرف زكي: أشرف عبد الغفور كان من رموز الفن في مصر والعالم ا


.. المخرج خالد جلال: الفنان أشرف عبد الغفور كان واحدا من أفضل ا




.. شريف منير يروج لشخصيته في فيلم السرب قبل عرضه 1 مايو


.. حفل تا?بين ا?شرف عبد الغفور في المركز القومي بالمسرح




.. في ذكرى رحيله الـ 20 ..الفنان محمود مرسي أحد العلامات البار