الحوار المتمدن - موبايل
الموقع الرئيسي


صفارة الحكم

عمر عبد العزيز

2010 / 1 / 31
الادب والفن


شعاع وسط الضباب أمل فينا اتخلق
نقدر .. أيوة بنقدر مش حلم من ورق
لحظة قُدرة و مشيئة دبِت جوة العروق
صوت الصفارة زغرد أهوه .. ممكن نفوق
محينا سطر واحد في مجلد م الألم
و عرفنا ازاي سجودنا يبقى تحية علم
صبحت ملامحنا فرحة بعد اليأس اللي ساد
عجز و قهر بيهرب فرعون في عيونَّا عاد
نرقص نملا الشوارع ننفَّض في الهموم
فجأة بحبك يا بلدي تظهر فوق الوشوش
و بتبهت ع الهدوم
مين اللي م الزمالك و مين م العشوائية
مين مسلم مين مسيحي الكل شكل واحد
الكل سن واحد مواليد اللحظة ديه
فادي عمال يكَلكِس يهتف ويَّاه جمال
أطفال على كتف سيد اللي معندوش عيال
حتى بتاع الجرايد الكُهنة أبو عطية
بطولتهم فاردة ضهره راحته باينة ف عينيّه
صوت نوح في الراديو يعلى مدد مدد يا بلدي
مدد مدد يا نصر
تفلت دموعي غنوة تقول مبروك حبيبتي
الف مبروك يا مصر





التعليق والتصويت على الموضوع في الموقع الرئيسي


التعليقات

1 - ايوه بنقدر
كوثر ( 2010 / 2 / 1 - 09:30 )
رائعة يا عمر
انت بتتمتع بقدره عالية علي رسم صوره الفرحة .. انت يا عمر مكتبتش قصيدة لا انت رسمت لوحه و لوحة حلوه اوى كمان رائعة يا عمر
رائعة يا عمر

2 - نقدر ايوة بنقدر
kawsar ( 2010 / 2 / 1 - 10:15 )
ازاي فيه شىء في لحظة كان ممكن يوم يجمع
ملايين طالعه بتهتف لجل اما الكون دة يسمع
صفاره بتنهي جوله.. يصحي فينا الامل.. نبدا منها البداية
امل في الضلمه يبرق تتفتح بيه قلوبنا نكتب بيه الحكاية
حكاية جديدة خالص لشعب بيندهس
وتملي فرحة ناقص ولازم يتحبس
فجاة بتلقي العيون بتفوق من حزنها
من سكره عايشه فيها ..من ساقيه و دايره فيها
لفرحه في العيون نطت من قلبها
بلدنا اللي بتلعب .. بننتظر البدايه و ينحبس النفس
ومره واحده اصرخ بثوره وبهوس
بلدنا دى اللي كسبت بالدنيا كلها
يتلاشى الحزن فينا يهرب بره القلوب
و يحل محلة فرحة فيها كل الناس تدوب
احاسيس في جمالها توصف و تالف 100كتاب
القاك كاتب قصيدة وفلان طاير يغنى
واشى متحزم بيرقص ترجع دي مصر امي
ولا افضل منها تايهة ولا هى غايبه عنى
ياما نفسي املي يكمل مانا اهة طلعت بقدر
ساعديني و مدي ايدك لو بس فيوم نقرر
ونقومها مرة قومة من الذل للتحرر
وساعتها الفرحه تكمل
تبقي الفرحه بكاس
ليها سندة وعن اساس
عشان طلع بنقدر .. نبقي احنا اعلي ناس

اخر الافلام

.. الفنان الراحل صلاح السعدنى.. تاريخ طويل من الإبداع


.. سر اختفاء صلاح السعدني عن الوسط الفني قبل رحيله.. ووصيته الأ



.. ابن عم الفنان الراحل صلاح السعدني يروي كواليس حياة السعدني ف

.. وداعا صلاح السعدنى.. الفنانون فى صدمه وابنه يتلقى العزاء على



.. انهيار ودموع أحمد السعدني ومنى زكى ووفاء عامر فى جنازة الفنا