الحوار المتمدن - موبايل
الموقع الرئيسي


فى ذكرى صعود نجم ...

محمد السعيد أبوسالم
(Mohamed Elsaied Abosalem)

2014 / 12 / 5
الادب والفن




قالوا نجم مات
قلتلهم كان نجم ضيف
ورجع من تاني للسماوات
نجم وهوى وسطنا
يفضح بلاوي البهوات
ويعلم الفقرا يشعلوها ثورات
نجم كان بسيط
لاتعاجب يوم بنوره
ولا خبى يوم عيوبه
كان صريح
بيعري الواقع من همومه
ويسب ويلعن الطبقيه
كان الحسين صاحبه
هداه سيف النور
يطعن بيه قلب الظلمات

الشوارع غمام
والأرض متوشحه بألوان الحداد
والثورة فقدت لسانها
لما الشهيد بوجع الوطن
قرر يرجع لسماه
مات نجم فى ورق الحكومه
مات نجم زى ما وهمونا
لكنه لسا حي
فى صوت إمام
لما زلزل الميدان
وقال الشعب لسا حي
ولما صبح علينا
ومد إيده يبارك خطوينا
لسا حي
فى حناجر الشباب
فى أحلام الأحباب
فى الوطن بيحضن الشهداء
فى الوطن بينتظر تار اللى مات
حي لسا فينا
جسد الحسين كان فاني
لكن فكرته سكنت كل الأغاني
وجسد نجم كان فاني
لكن لو رفعتوا جبهتكم للأعالي
هتلاقوا نجم
باصص لبهية بلهفة العشاق
بلهفة المشتاق
بيقولها
متقلقيش بكره جي
بكره راجع
ياما زرعوا سجون فوق الأرض
ورفعوها سور ورا سور تخبي الضي
لكن ولادك يا بهيه
لا كسرهم رصاص
ولا قيد حلمهم سجن .

قالوا نجم مات
قلتهم إرفعوا جبهتكم للسما
هتلاقوه بوصله للحلم الجي ..





التعليق والتصويت على الموضوع في الموقع الرئيسي


اخر الافلام

.. بحضور عمرو دياب وعدد من النجوم.. حفل أسطوري لنجل الفنان محمد

.. فنانو مصر يودعون صلاح السعدنى .. وانهيار ابنه




.. تعددت الروايات وتضاربت المعلومات وبقيت أصفهان في الواجهة فما

.. فنان بولندي يعيد تصميم إعلانات لشركات تدعم إسرائيل لنصرة غزة



.. أكشن ولا كوميدي والست النكدية ولا اللي دمها تقيل؟.. ردود غير