الحوار المتمدن - موبايل
الموقع الرئيسي


وردة

مزمل الباقر

2015 / 2 / 7
الادب والفن



حاسي كأني .. كنت معاك
ومشيت ..

حاسي كأنك .. لسه هناك

نفس .. الشارع
نفس.. الوقفة
ياها الكلمة: ونسني؟

***

عارفة .. نفسك .. طالع ونازل
وفي المكان .. محتشد

صوتك .. ساكن
في الزمان
زي الوكت (1)

***

وكأني سامع .. ضحكتك .
شاقة .. السكوت
لحنا مموسق .. ما بموت

***

مليتيني من ....فوقي
لي .. راحك القدم
كنت الجلد ..
لابسني
من ساعة الولادة
ولي .. ود اللحد

***

جيتيني من .. ياتو ..
اتجاه
من .. ياتو ..
باب
ياتو ..
مفتاح
شغل .. شرايين
القلب...
وفضل .. يضخ
اسمك ..
في .. الجسد .. .

***

هل دا .. ريد ؟
البقطع الرجاء .. في البنات
من الوريد .. للوريد

أنا بسألك .. هل دا .. ريد؟
البشرق القلب .. من الفرح
ويعشرقو ..

هل دا .. ريد؟
البشيل كل الحزن ..
ويبعزقو ...

هل دا ... ريد؟
البآخد .. الفرح
من حضورك
من كلامك
من ابتسامتك
وينشرو

***

تعالي .. أحكي ليك
عن زولاً تعيس .. شافك
في غفلة ... زمن
اتونس .. معاك

عن زولاً .. قبلك
حياتو .. كانت
زي فيلماً قديم ..
جيتي شايلة بسمتك
لونتي بيها
كل .. المشاهد

عن زولاً .. بصحي الصباح
وبالو .. فيك (2)
وينوم على .. آخر كلامك
وطول .. النهار
يراجع .. في رسايلك
زي البذاكر ..

***

وإنتي خاطر ..
جميل
يمشي .. وبجيني

وإنتي .. وردة
حمرا
قاعدة في .. كتابي

وانتي .. لوحة
فيها .. حلمي
مترسم .. قصادي

وإنتي .. دعوة
دعيتا .. الله
واستجاب لي

***

كان .. اسموكي
فرحة ..
وإنتي .. بتسقيني السعادة
حته .. حته
وجرعة .. جرعة

كان يسموكي .. محنة
وانتي جنة ..
فيها بلقى .. الفي مرادي
عيناً بتحرسني
وقلباً .. لي براعي

كان يسموكي .. ولادة
وأنا .. بيك
طفلاً
بيتعلم .. كلامك

أ : إنتي

ب: بيكي

ت : تصبح

ث : ثواني

ح : حياتي

ج : جنبك

خ : خاتية

د : دونك

إحساس الراحة

وأقول بي صراحة

أيوه .. بريدك

ودايرك .. تبقي
رفيقة
لي .. حبيبة

ست .. القلب
وتاج .. الرأس

مالكة الإحساس
من الساس .. للرأس

أم الاولاد
والأحفاد

كل الحلوات
انتي
كل الأوقات
ليك
كل الجاي والفات
معاك

داير أبدى ..
دنيا .. جديدة
بيك .. سعيدة

أعيشها معاك
وتبقى حياتنا
كلها .. ريدة


حتقبلي بي؟!!.





مزمل الباقر

3 فبراير 2015م
فيلد جيلدا – الخرطوم

( 1 ) الوكت : الوقت
( 2 ) بالو فيك : يفكر فيك





التعليق والتصويت على الموضوع في الموقع الرئيسي


اخر الافلام

.. وداعا صلاح السعدنى.. الفنانون فى صدمه وابنه يتلقى العزاء على

.. انهيار ودموع أحمد السعدني ومنى زكى ووفاء عامر فى جنازة الفنا



.. فوق السلطة 385 – ردّ إيران مسرحية أم بداية حرب؟


.. وفاة -عمدة الدراما المصرية- الممثل صلاح السعدني عن عمر ناهز




.. لحظة تشييع جنازة الفنان صلاح السعدني بحضور نجوم الفن