الحوار المتمدن - موبايل
الموقع الرئيسي


كمل رسمتك ...,

محمد السعيد أبوسالم
(Mohamed Elsaied Abosalem)

2015 / 2 / 10
الادب والفن

كمل رسمتك
عاوزها قوس أخضر
قصاد خطوتك
عاوزها زرقه وصافية
فوق جبهتك
كمل رسمتك,


الحلم أصلة خيال
منسوج من خيوط المحال
طول ما أنت حبسه
تحت مخدتك
كمل رسمتك,

كمل رسمتك
إرمي كل ألوان الخراب
ألوان الظلام
وإرسم حلمك بغنوتك
وإياك تسلم لليأس دفتك
أول خطوة لحلمك رسمتك
إرسم بالحروف ثورة وطن
ويمام بيرفرف قصاد الغمام
ويشتت بصموده الظلام
كمل رسمتك,

كمل رسمتك
وإنهى فصول الأحزان
آن آوان فرحتك
إرسمها كلام
إرسمها ألوان
إرسمها ألحان
حررها من المنام
من حريتها تبتدي حقيقة خطوتك
كمل رسمتك,

شد حبال الصمود من عتمة المجهول
شايف من آخر عتمته ضي ؟!
دا حلمك اللى نقشته من المحال
فى جدار اليأس قبل رحلتك
أصبح حقيقي مستني لمستك
كمل رسمتك...

---

---

---

التعليق والتصويت على الموضوع في الموقع الرئيسي

---

.. ربنا يرحمك يا أرابيسك .. لقطات خاصة للفنان صلاح السعدنى قبل


.. آخر ظهور للفنان الراحل صلاح السعدني.. شوف قال إيه عن جيل الف




.. الحلقة السابعة لبرنامج على ضفاف المعرفة - لقاء مع الشاعر حسي


.. الفنان أحمد عبد العزيز ينعى صلاح السعدنى .. ويعتذر عن انفعال




.. االموت يغيب الفنان المصري الكبير صلاح السعدني عن عمر ناهز 81