الحوار المتمدن - موبايل
الموقع الرئيسي


يعني شنو؟

مزمل الباقر

2015 / 5 / 22
الادب والفن


يعني شنو
لما .. يجيك ..
عطرها
في آخر ..ساعات ..
الليل؟

يعني .. سهر ........ طويل
بالحيل
وتشغل بالك .. بي
ذكراها

يعني.. النوم .. ينساك
في لحظة
يخلي ..عيونك .. مشرعة
بالتفكير

يعني عيونا .. تجي قدامك (1)
وبينك .. وبينا ..
النيل
والليل

يعني .. جفونا .
نامت .. بدري
وغرقت .. في الأحلام
براحة

وانت .. براك
في.. عز الليل

يجيلك ... عطرها
يدخل ليك .. من باباً
سري ..
وتغرق في ..
تفاصيل ..
وتفاصيل


يعني ... خيالك
يفضل .. صاحي
يونسك (2)
فيك

من .. يوم
لقاك .. الأول
بيها

ولي .. آخر
ثانية
شفتها .. فيها
وهي .. بتضحك
ليك ... وتعلق
وانت ... بريدا (3)
ديمة (4) .. معلق

يعني .. شنو؟
لما .. العطر ...... الوصلك
منها
يحلف إنك
ما حتنوم ..

وكلما .. تاخد
نفسك ..
تلقى ..العطر
اتخلل ..
جوه ..مسامك
ملا .. وجدانك
وسكن ..في حجرات
القلب ...

يعني ..تبقى
محير ..
وماك .. مخير
وما .. بتتغير

وتسأل .. نفسك:
هسع .. أرجع ليها
العطر ... الجاني ..في ..
آخر .. الليل؟

ولا .. أسيبو (5)
يساهر .. بي ...
كتير؟

ولا .. نبقى .. أنا .. وهو ..
أصحاب
وأقنعو .. حتماً..
بالتأجيل ؟





مزمل الباقر
امدرمان في 20 مايو 2015م

(1) قدامك : أمامك
(2) يونسك: يؤانسك
(3) بريدا: بحبها
(4) ديمة: دائماً
(5) أسيبو: أدعه





التعليق والتصويت على الموضوع في الموقع الرئيسي


اخر الافلام

.. الفنان الجزائري محمد بورويسة يعرض أعماله في قصر طوكيو بباريس

.. الاخوة الغيلان في ضيافة برنامج كافيه شو بمناسبة جولتهم الفني



.. مهندس معماري واستاذ مادة الفيزياء يحترف الغناء


.. صباح العربية | منها اللغة العربية.. تعرف على أصعب اللغات في




.. كل يوم - لقاء في الفن والثقافة والمجتمع مع الكاتب والمنتج د/