الحوار المتمدن
- موبايل
الموقع
الرئيسي
رماد الأنا
عادل عياد
2015 / 10 / 8الادب والفن
قلمي رافض الكتابه
عقلي امتلكه الخراب
وليه الحبر جف زي أفكاري
وليه الورق اتمزق زي أجزائي
اهتزت أركان المكان
وللا الهزه خارجه من جوايا
صداعي طالع من عنيّه
وللا عنيّه بتبص في صداع
شايف النمليه بتمشي قدامي
سامع صوت الحيطان وهى بتخنقني
حاسس البراويز وكأنها بتراقبني
شامم ريحة بخور من ألاف السنين
لكن قصده يكتمني
لامس إحساس الورده
وهى مكسوره على قلوب الميتين ...
لعنه صابتني
وللا صبت انا اللعنه
فأطلقت اللعنات على كل اللي حوليا
واتبخر كل معنى كان ساكن في روحي
تدميري كان شامل
أخد من جوايا ..
الأخضر واليابس
الصالح والطالح
ومسبش حتى شوية ملح
ومسبش حتى حبة سكر
كان يمكن تحلي في يوم أيامي
تدمير خد مني أصحابي وكل أحبابي
مفضلش مني غير أنا
أنا الهش
أنا اللي كاره الغش
أنا اللي اختلط دَمعُه برماد الأنا
فتشكل من جديد
ميت أكيد وللا الحياه مواعيد
مين فاكر إن الرماد ..
ممكن يكون في يوم إنسان ؟!
|
التعليق والتصويت على الموضوع في الموقع الرئيسي
.. بحضور عمرو دياب وعدد من النجوم.. حفل أسطوري لنجل الفنان محمد
.. فنانو مصر يودعون صلاح السعدنى .. وانهيار ابنه
.. تعددت الروايات وتضاربت المعلومات وبقيت أصفهان في الواجهة فما
.. فنان بولندي يعيد تصميم إعلانات لشركات تدعم إسرائيل لنصرة غزة
.. أكشن ولا كوميدي والست النكدية ولا اللي دمها تقيل؟.. ردود غير