الحوار المتمدن
- موبايل
الموقع
الرئيسي
نحن...نغرق..نغرق يامقتدى
محمد الرديني
2017 / 2 / 4كتابات ساخرة
خوية مقتدى
يريد بعض المخلصين ان يحذروك من "شغلات"كثيرة صارت ولا يوجد لها تفسير.
هؤلاء المخلصون قبلوا على مضض ان تعاملهم مثل "الهوايش" وتصيح بيهم ...جهلة...جهلة..جهلة.
هؤلاء المخلصون دخلوا المنطقة الخضراء حسب اوامرك وبعدين شافوا "البوري" مرتب وجاهز منك ومن غيرك.
هؤلاء المخلصون يعيشون في حيرة من امرهم هذه الايام فالاوامر تقضي بالزحف نحو القدس واذا تعذر ذلك فالزحف سيكون نحو قبر زينب في سوريا واذا تعذر هذا ايضا فطرد الامريكان من العراق اولى.
ترى صارت لعبة آزنيف.
بعض الخبثاء يسمونك "كريندايزر" العراق فانت على كل شي ترهم ،بس بصراحة مالهم حق فانت رجل دين ورجل سياسة تمام بس لوما احتقارك لمحبيك لكنت اعظم قائد بالعراق.
ومع هذا لازم ترسي جماعتك على بر:
هل انت رجل دين ام رجل سياسة؟
صحيح عندك اكبر كتلة بالبرلمان بس ترى مابيها فايدة بس كلام عن شن الحروب اينما وجد الاستعمار الحديث واستغلال الشعوب الفقيرة.
اذا انت رجل دين فاترك السياسة لأهلها واذا العكس فافضح جماعتك وجماعة جماعتك اللي يسرقوت يوميا بالملايين.
واذا انت رجل مصلح فبادر الى تنظيف نفوس قومك من الغل المذهبي ولا تخليهم "شقاوة" على اولادنا.
تعرف كلش زين بعضهم سوا الدين لعبة "اتاري" وانت تريد تحرر القدس وتحارب الامريكان اذا نقلوا سفارتهم الى القدس.
مايكفينا مشاكلنا يا مقتدى حتى نعبر للصوب الثاني ونطفر "زانة" على امريكا؟.
بس لاتزعل،ترى بسطال جندي عراقي يسوى معظم اللي يشتغلون في المنافذ الحدودية.
شنو ما تعرف شنو اللي جاي يصير؟.
فرهود ، خوية مقتدى فرهود ، ولافرهود اليهود في سالف العصر والاوان.
الحرب على الفساد يبدأ من المنافذ الحدودية واذا ماتدري اقرأ الخبر وعاتب حيدر العبادي وهويحيي الشاب الجميل والانيق اسمه الفساد.
عطلّوا الكيبل الضوئي اللي يرتبط بمديرية المنافذ الحدودية بل والغوا كثير من الاقسام لتابعه له حتي يصفى لهم الجوويسرقون على راحتهم ولقاء "الكوميشن" يتم ادخال البضائع المختلفة وغصبا على اللي يرضى وما يرضى.
باعونا ياخوية مقتدى وعرضوا للبيع كل وظائف الجمارك وباسعار لاتنافس.
لنا الله وانت.
|
التعليق والتصويت على الموضوع في الموقع الرئيسي
التعليقات
1 - ضلت بس الخ .....
عبدالكريم الشطري
(
2017 / 2 / 4 - 17:04
)
والله يا استاذ محمد ما ادري شأكول صرت مثل ذاك اللي راح يقره فاتحه فما يعرف شلون يعبر كال .. الله يرحمه راحت الزلم الزينه وضلت بس الخريه .... تره صدك ضلت بس ......الخ
2 - اخي عبد الكريم
محمد الرديني
(
2017 / 2 / 4 - 19:07
)
مع الاسف ضاع شعبنا وهو يعرف تماما ان هؤلاء من سقط المتاع ولاقيمة لهم ولكنه ساكن عنهم وبعضهم متونس لأنه يستعملوه قطعة شطرنج
لنا الله
تحياتي
.. الفنان عبد الرحمان معمري من فرقة Raïm ضيف مونت كارلو الدولية
.. تعرّفوا إلى قصة “الخلاف بين أصابع اليد الواحدة” المُعبرة مع
.. ما القيمة التاريخية والثقافية التي يتميز بها جبل أحد؟
.. فودكاست الميادين | مع الشاعر التونسي أنيس شوشان
.. حلقت شعرها عالهوا وشبيهة خالتها الفنانة #إلهام شاهين تفاصي