الحوار المتمدن
- موبايل
الموقع
الرئيسي
مولانا الوالي ( رسالة لمولانا )
عمر قاسم أسعد
2017 / 2 / 17كتابات ساخرة
مولانا الوالي
( رسالة لمولانا )
يا والي يا والينا
هات الدوا وداوينا
يا والي هالجرح كبير
قهر وجوع وبلا فينا
***
يا والي رفعوا الأسعار
وهاي العيشة صارت نار
ظل شوية كرامة
بكرة تصَحي فينا الثار
***
يا والي ما في أشغال
غير القيل عنا وقال
هاي عيشتنا يا سيدي
وانتا عايش بأحسن حال
***
حتى الخبزة مش لاقيين
سرقوها الملاعين
إحنا عارفينك والي
بس يا ترى إحنا مين !
***
إحنا الشعب اللي ما استفاق
وحط الساق فوق الساق
إحنا الشعب ما تعلمنا
أنو الوالي لشعبة عاق
***
إنتا الوالي في قصرك
وغير بهلول ما حبك
الطبيلة والزميرة والدبيكة
الله يخليهم جنبك
***
محلى السهرة في البارات
خمرة ولحمة ورقاصات
حيوا السيد بالمليون
وسبوا الشعب يلي مات
***
الشعب نام الشعب قام
ومن الجوع الشعب صام
إحنا أعلنا الثورة
ضد الثورة والسلام
***
يا والي يا والينا
إلنا رب بيحمينا
وانتا ربك هالدولار
وجوا القبر تلاقينا
عمر قاسم أسعد
|
التعليق والتصويت على الموضوع في الموقع الرئيسي
.. بيع -الباب الطافي- الذي حدد نهاية فيلم تيتانيك بسعر خيالي
.. الفنان #محمد_عطية ضيف #قبل_وبعد Podcast مع الاعلامي دومينيك
.. الفنان عبد الرحمان معمري من فرقة Raïm ضيف مونت كارلو الدولية
.. تعرّفوا إلى قصة “الخلاف بين أصابع اليد الواحدة” المُعبرة مع
.. ما القيمة التاريخية والثقافية التي يتميز بها جبل أحد؟