الحوار المتمدن - موبايل
الموقع الرئيسي


الفرخة التي تكلمت

محمد هشام ميسرة

2017 / 6 / 21
الادب والفن


صحيت من النوم بطريقة بشعة ..يا سعادة البيه ..غير آدمية.. فرخة تدوس على وجهي بأقدامها المبتلة..وريشها الذي يشر مياه..كما انها لا تكف عن
-بكبكبكاك..بكبكبكاك..بكبكبكاك
ومن شدة القرف قمت بضرب الفرخة بالقلم على وجهها صارخا فيها
-يلعن ديك أهلك..يا بنت ستين كلب
فوجدتها تكومت في زاوية الحجرة واصبحت تتحرك بصعوبة و تقول ببطء وبحزن
-واااااك...واااااك
فاقتربت منها قائلا لها
-انتي فرخة ام دنيا اللي ساكنه فوقينا؟
فهزت رأسها للامام مرتين ونظرت في الارض
فنظرت فوقي فوجدت سقف حجرتي مخروم للمرة الخامسة..
وبدون ان ألبس شئ فوق ملابسي نتشت الفرخة من جناحها وانا أبتلع السلالم حتى اعرف ماذا يحدث
وما ان صعدت فوق السطح حتى سمعت
-زميلتك بتبيض وانتي لأ..هيا احسن منك في ايه..ازيد منك في ايد او رجل
فاختبأت خلف فنطاس مياه حتى ارى ماذا يحدث
-وربنا لو ما بيضتي لهدبحك..
فخرجت من خلف الفنطاس وانا اصرخ
-انتي بتكلمي الفراخ يا ام دنيا..انتي جرا لعقلك حاجه..
فوجدت رجل عجوز يقول لي
-دي من كتر القعدة مع الفراخ مخها لسع.
-انت مين ياعم؟
-انا جوزها الجديد..
فوجدتها تنظر له وتصرخ
-انا مخي ما لسعش يا سعد..انت اللي مبقتش بتحبني زي الاول..
وفجأه قام من مكانه وازاح الستارة القماش من عليه واقترب منها قائلا
-حبك برص..يالسعة...يا مجنونة ..يلي ليل نهار بتكلمي الفراخ..
ودفعها من كتفها فظلت تتدحرج مثل العجلة الكاوتش وسقطت من فوق السطوح من الدور السابع ووقفت انا وزوجها الجديد نقول لا حول اللهً يارب لا حول الله يارب
ونظرت للفرخة التي في يدي فوجدتها تقول
-لا حول الله يارب
بس يا باشا هو ده اللي حصل بالزبط
فقال لي مأمور المباحث الجنائية وهو يبتسم
-الفرخة قالت لا حول الله !!
فقلت انا وزوجها الجديد في صوت واحد
-اقسم بالله قالت كده
هذا ما قلته في المحضر





التعليق والتصويت على الموضوع في الموقع الرئيسي


اخر الافلام

.. الأسود والنمور بيكلموها!! .. عجايب عالم السيرك في مصر


.. فتاة السيرك تروى لحظات الرعـــب أثناء سقوطها و هى تؤدى فقرته



.. بشرى من مهرجان مالمو للسينما العربية بعد تكريم خيري بشارة: ع

.. عوام في بحر الكلام | الشاعر جمال بخيت - الإثنين 22 أبريل 202



.. عوام في بحر الكلام - لقاء مع ليالي ابنة الشاعر الغنائي محمد