الحوار المتمدن - موبايل



كون ديت على راسي ..

سليمان الهواري

2017 / 6 / 21
الادب والفن


هدية لكل شريفات و شرفاء ريفنا الغالي و لروح مولاانا و سيدنا الامير عبد الكريم الخطابي قدس الله روحه الشريفة
**************************
كون ديت على راسي ..
هاداك راسي لي قطعتو هادي شحال ..
و مرة مرة كينبت لي من جدر ضلوعي و يطلع فيا ..
يبدا يغوت ف وجهي لاخور ...
كون نسمع كلامو ..
كون قطعت كبدتي ندفنها هنا .. و نهز قلبي بين يديا ..
نهز شلا صبعان زايدين ف يديا ..
زمان هادا ما خدمو ما كتبو ما هزو ما حطو ..
نهز ايديا انا .. نهز جمر العافية الكادية ف صدري ..
و نطلع لداك الجبل ..
نجمع ترابو المشتت من يامات هاداك
هاداك لي قتلوه ..
هاداك لي رجموه .. هاداك لي عدموه ..
هادك لي ف قبرو مازال خالعهوم ف القصورة المجردة على عظام الصبيان ..
نجمع ترابو نجمع ريحتو نجمع شعر عودو المسبسب على جبال الريف ..
نجمع كلامو نجمع صهيلو و هومن اجدير لميليلة خيلو عانقات الارض تتنهد ..
كيف يدنسها السبليون ..
كيف فرنسا تجي لو ف العون وكيف خانوه خونة الجيش الملعون ..
كيف و كيف الحمية خرجات السبع ..
و شحال من سبع خلا السبع ..
خلاهوم وصية ف الاحلام خلاهوم وصية ف غرق الايام ..
الايام الجاية ..
وهاهي الحلامة جات ..
جات الحلامة مربعة عرش المقهورين ..
ف ايديها وردة و ساسبو عقدة ..
ايه يا ميميتي زغرتي خليتي الرجال ..
وعيالاتنا ف وقفة الحق حركة كيف تقهرها رباعة الشمايت و الاندال ..
آآه يا ميمتي لو ديت على راسي ..
*** سليمان الهواري / رضا ***







اخر الافلام

.. ...-جريدي- أول فيلم باللغة النوبية يظهر جمال النيل وطبيع


.. بتحلى الحياة – مسلسل الحب الحقيقي – الممثل جوليان فرحات


.. بتحلى الحياة – الفنانة جاهدة وهبة




.. ريشة فنان روسي تروي زيارته لأرض سوريا


.. الفيلم اللبناني قضية رقم 23 يقترب من جائزة أوسكار