الحوار المتمدن - موبايل
الموقع الرئيسي


شنطيهم بعد ؟

عبد صبري ابو ربيع

2017 / 7 / 26
الادب والفن


شنطيهم بعد ؟
عبد صبري ابو ربيع
خافن يضيعوني ويضيعون البلد
خافن يقسموني وأحبيْبي
ضحكة ورد
خافن يقسموني
وجمعنه شدة ورد
هجروني .. مرمروني
أهل العداوة والحقد
هذا يا زمن چني
غريب بهالبلد
وأني الزفيت بيدي
مليون ولد
وأني الحميت الدار
وحميت العهد
چلچل عليه الليل
وهمومي عدد
أريد أطير وياه
وياخذني السعد
يلوموني شنطيهم بعد ؟
وروحي نامت على الحد
گمر ونجوم يضوي
سمانه الحشد
أني الفطمت وليدي
عله الرصاص
وهو بالمهد
وأحنه حزمت ورد
الچا وشلون ولعد
خافن تعوفوني
وتنسون البلد
وخافن تبيعوني
وتبيعون الولد
أني سرباس وعمر وحسين
وأني عنوان البلد
تنكروني وأني الخيمه
وأني العمد
تره زلزله أصيرن
لو أصيرن رعد
وخلي الدنيه تميل
وتضع أم الولد
أني أبن المصطفى
أبن حيدر وأبن الصمد
راحوا من هلي
نسور وأسد
تنكروني وأني الوگفت
اسوء وأحقر مدد
خافن تگولون أحنه
أغراب بهذا البلد
وأحنه ولد قحطان وعدنان
وأبناء سومر وأكد





التعليق والتصويت على الموضوع في الموقع الرئيسي


اخر الافلام

.. الحكي سوري- رحلة شاب من سجون سوريا إلى صالات السينما الفرنسي

.. تضارب بين الرواية الإيرانية والسردية الأمريكية بشأن الهجوم ع



.. تكريم إلهام شاهين في مهرجان هوليود للفيلم العربي


.. رسميًا.. طرح فيلم السرب فى دور العرض يوم 1 مايو المقبل




.. كل الزوايا - -شرق 12- فيلم مصري يشارك في مسابقة أسبوع المخرج