الحوار المتمدن - موبايل
الموقع الرئيسي


قصيدة عيون حبيبى ملهاش نهاية

مصطفى راشد

2017 / 9 / 28
الادب والفن


قصيدة - عيون حبيبى ملهاش نهاية
------------------------
عيون حبيبى ملهاش نهاية
واحدة دكر والتانية نتاية
لما أكلمه بيزمجر ويطَلع صوت بقَرَايَة
ولسانه معجون بفنون القبح والسفالة
تقولش بهيم ماشافت عينه يوم رباية
وأستاذ فى الكأبة والرخامة والندالة
وأسلوبه عالى رفيع فى الخبث والرزالة
ومايعرف غير النكد والمشاكلة معايا
وشره غريب فشر التعابين والحداية
وغباءه نموذج غريب متركبله بعناية
يشوف البياض سواد والضلال هداية
والبدنجال مانجة والبطيخة عنباية
مش قولتلكم عيون حبيبى ملهاش نهاية
واحدة دكر والتانية نتاية
يعترض ويقاوح -- مزاج من غير علم أو قراية
وعاملى كمان مؤمن بسبحة وتحجيبة وفلاية
ويقرأ القرآن بالمقلوب ويألف فى الأحاديث والرواية
ويجاوب فى غير المطلوب ويفرض رأيه عافية ونطاعة
وهو ياكل مال النبى ويتغدى بالملايكة والصحابة
وكمان بيفتى بجهل ويبجح فى الأقتصاد والثقافة والسياسة
وفكاهى -- عاملى غزال أبن التعالب والديابة
وسحنته الحمارى تقرف أى صورة ومراية
ياريت بس يطول -- ويشوف وشه فى المراية
علشان تبقى دى البداية والنهاية
وَلاَ جمال رسمه وكسمه النسانيسى البعاجيرى حكاية
ملهم للكتاب والشعرا الكل يهاجموه بضراوة وعناية
وبكل غل سواء محترفين أومن أصحاب الهواية
وكمان ملهم بعيد عنك للزبالين والطراشين وقليلى الرباية
مهو سليط اللسان وقبيح الكلام بوفرة وكفاية
ومن النوع البراميلى مايغطيه غير الحصيرة والملاية
ومَشَيَته فشر السيد قشطة أو الخرتيت أبو دلاية
وعمره ماقال كلمة صدق العسل ده ابن النكداية
وكل مايشوفنى لوحدى يقولى مين جنبك
مش بقولكم عسل وسكر المضروب سليل العرساية
أصل عيون حبيبى ملهاش نهاية
واحده دكر والتانية نتاية
عقبال عندكم تنولو سعدى وهنايا
قصيدة - للشيخ د مصطفى راشد





التعليق والتصويت على الموضوع في الموقع الرئيسي


اخر الافلام

.. الفنان أحمد سلامة: الفنان أشرف عبد الغفور لم يرحل ولكنه باقي

.. إيهاب فهمي: الفنان أشرف عبد الغفور رمز من رموز الفن المصري و



.. كل يوم - د. مدحت العدل يوجه رسالة لـ محمد رمضان.. أين أنت من

.. كل يوم - الناقد الرياضي عصام شلتوت لـ خالد أبو بكر: مجلس إدا



.. كل يوم - -الجول بمليون دولار- .. تفاصيل وقف القيد بالزمالك .