الحوار المتمدن - موبايل
الموقع الرئيسي


مقتبسات من شيفرة الاردني

جهاد علاونه

2017 / 10 / 7
كتابات ساخرة



الاردني
إذا راح يشتري قلم
بيشخبط على أقرب ورقة مشان يجرب القلم وبعدين بيأخذ قلم ثاني مشان انو مستعمل
نسأل الله السلامة

مازال الاردني إذا شم ريحه غريبه في السيارة ؛ بيوطي صوت المسجلة مشان يشم منيح ..! يعني معادله صعبة جدا من ناحية التفسير, يعني مش فاهم شو علاقة شم الرائحة بالصوت؟!!!
عزيزي المحترم المحترم : ليش مثلا إذا شفت واحد عنده نفس سيارتك لازم تشوف وجهه !!
يمكن بتصير عندك شكوك بيشبهك أو ما بيشبهك وإلا يمكن تطلع انت مثلا..الناس بتلطشهم الكهربه في كل بقاع الارض الا الأردنيين هم اللي بلطشوا الكهربه, وكلمة السر أو كلمة دخول الاردنيين للسرقه اسمها (خط من الديوان).

قانون تقاعد مدني يضمن للوزير والنائب راتب مدى الحياه ليش يعترضوا عليه ويغيروه .؟
حكومه عايشه على المنح وتبيع مياه بلادها ليش حتى تزرع؟!
حكومه بتربح من بيع قطع غيار السيارات,فليش بدها تعمل صيانه للطرق عشان السيارات ما تخربش؟؟؟
حكومه بتربح بالجنسيات الاجنبيه ملايين الدنانير ليش ماتستقبل لاجئين وتجنس بشر وتبيع تصاريح؟!!
حكومه بتربح بالسيارات اكثر من الشركات المصنعه ليش بدها تصنع سياره .؟!!
حكومه بتربح بالمحروقات اكثر من الدول النفطيه ليش تغلب حالها وتستخرج نفط .؟!!
حكومه اجت بدون برلمان ليش تحسب حساب للبرلمان ؟
برلمان اجى بشراء الذمم والفساد وبحمايه حكوميه ليش يحاسب فاسدين ؟
نواب اجو بقانون برلمان اعوج ليش بدو يقر قانون انتخاب عصري ؟
مسؤول اجا على منصبه بواسطه ليش بده يحارب الواسطه؟
احزاب بتتقاضى اخر السنه مصروفها من الحكومه ٥٠ الف وكوتا نيابيه ليش لتعارض الحكومه وتسقط وزراء ؟
شعب مابعرف حقوقه بالدستور ليش بده يطالب فيها ؟
مواطن ببيع صوته لمرشح ليش يحاسبه لما يصير نائب؟
عزيزي الاردني البين طسنا طس

اذا ابتسمت في وجه أخوك, بتلاقي أخوك يطل عليك مثل طلة سلفر بجزيرة الكنز(بعين واحدة) ويقلك: شو خير انشاء الله في شي؟

واذا ابتسمت في وجه أمك فورا ابتعرف إنك عاملك عمله وبتصير امكط تصفق الكف على أخوه وتقول: والله من لما شفته فايت يضحك إعرفت انه في إشي.

أما أبوك اذا ضحكت في وجهه بمد اديه ال2 على جيوبه وبطلعهن لبرى وبصير يقلك: والله ما معي ولا اللي (إترن).
والمرأة الأردنية اذا ابتسمت في وجهها معجبا أول شيء بتقلك: شو إنت من وين بتعرفني وبتمسح فيك الأرض وبتبهدلك بنص الشارع.

طبعا واذا اضحكت لوحدك بصيروا يقولوا عنك مجنون واذا ابتسمت لغريب في الشارع بصير يقول: عليم الله إنك إمهوي ولا حبة مخ فيك.

بالله هالشعب وين بتنفع معو الإبتسامة
إلا لما يموت الواحد بقولو ما شا الله مات مبتسم
فقط في الاردن
كلمة (يا ذكي) تعني (ياغبي)
وكلمة (بكير) تعني (متأخر)
وكلمة (صدّقتك ) تعني (كذاب)
😏
العائلة الاردنيه إذا طلعو رحلة بسيارتين, كل ما يشوفوا بعض على الطريق بصيرو يضحكوا وبيسلمو على بعض ، كأنهم من سنة مو شايفين بعض !!
أمانة برقبتك ليوم الدين أرسلها لكل الاردنيين اللي بتعرفهم بنية الفرج على البلد ورسم ضحكة وبسمة على وجوه الغوالي....
والله حي النشاما

اذا خلصت الصابونه بلزقها(يلصقها) بالصابونة الثانيه حتى ما يخسر الصابونه المنتهية عِلما إنه وهو يغسل على الحنفية بفتحها على الآخر وبصرف ربع متر مكعب مي(ماء) على المضمضة والغسول, وبآخر النهار بطلعوا هو ومرته وأولاده صارفين متر ماء مكعب على الفاضي وبتشاطر على الصابونه اللي حقها 10 قروش.

اذا خلصت علبة الشامبو لازم يزيدها مي, وبضله يخض فيها حتى يطلع منها مش عارف شو, يعني اللي بخض باللبن معروف انه بالنهايه راح يطلع زبده والزبد شنينه, بس اللي بخض بعلبة الشامبو مش عارف شو بكون بده يطلع.

اذا خلصت علبه البسكوت بحط فيها عدّة الخياطه, وعلبة عدة لخياطه بحطوا اولاده فيها بسكوت, طيب ليش مثلا ما يبقى البسكوت في علبة البسكوت والأبر والدبابيس بعلبة الخياطه!!.

اذا خلصت علبة النيدو بيعملها للسكر , علما أيضا إنها علبة السكر بحطوا فيها الحليب نفسه, وهذي الظاهرة موجودة في بيتي وفي بيوت أغلبية الأردنيين.

اذا خلصت علبة الجبنه بيغسلها وبتصير كاسة , وكمان الكاسه هذي نفسها اللي بشتريها عشان يشرب فيها بتصير إتكوش أو تكوش فيها الأرجل في قاع الدار والشاطر من الأولاد إللي بكوشها(بشوتها برجله) شلوط, وبعد العصر على البراد بصيروا الأولاد يلعبوا فيها فطبول ويقولوا لبعض(شوتلي وبشوتلك).

واذا خربت البلوزه بيعملها ممسحه, علما إنه عنده بالبيت عشرين ممسحه مرميات بقاع الدار أو تحت الدرج تأكلهن الفئران والجراذين.

اكياس السوبر ماركت بخليهم كياس للزباله. وبس ينتلوا (يمتلئوا) بالزباله بحطهم بكيس لزباله(النفايات).

مافي حدى محافظ ع البيئه متل الاردنيين كل شغله بنعمللها اعادة تدوير, ولكنهم يدورون ما لم يكن بحاجة إلى تدوير.

وبس تطلب كاسة مي تشربها من اللي بجنبك قاعد من الأولاد بروح يجيبلك اياها وبشرب نصها على الطريق...لا واي شخص اول ما يفتح الآيس كريم يلحس الغطا منيح بتحسها من ضمن التعليمات (يرجى لحس الغطاء بشكل جيد).
واهم اشي اذا صدف واستعمل محارم مبلله ! بعد ما يمسح ايديه و وجهه لازم يمسح كندرته , ومحارم لتواليت بستعملها للأنف ومحارم الفاين الأنف بستعملها للبطاطه المقليه.

و بقوللك الشعب الاردني مبذر!!!

العائله الاردنيه بس يطلعوا مع بعض رحله في سيارتين كل ما بتتجاوز سياره من سياراتهم عن الثانيه بصيروا يطلوا على بعض ويضحكوا ويزمروا لبعض وكأنهم من سنه مش شايفين بعض..العائله الاردنيه بس يصير عندهم شي جديد بحكوا للأولاد لا تحكوش قدام الناس وإذا سمعنا واتصلنا نسألهم بنكروا اذا ابنهم خطب أو تزوج أو تخرج من الجامعة وبعد اسبوع على انتهاء موسم الفرح بلقوك بالشارع وما بردوش عليك السلام, ليش؟, في ناس بقولولك: إحنا والله محسودين مثل أم كشه اللي بتكتب على الفيس : أنا لن أتزوج إلا من ابن بلدي, قال هيك يعني على اساس إنه كل يوم بجيها عروض من سويسرا.., محسودين على إيش؟, وفي ناس قال زعلانين: ابنهم خطب وما أجيناش انبارك, أو عملوا حادث بالسياره وما أجيناش نطمن على صحتهم الغالية,ولكوا ما احنا اتصلنا فيكوا مليون مرة وأنكرتم وقوع الحدث خايفين نصيبكوا بالعين أو بالخشم.. شعب مقهور وبقهرك.

الشعب الأردني هو الشعب الوحيد اللي بشكي من الفقر علما انه 85% من عدد السكان مصابين بالتخمة والوزن الزائد و90% منه مصاب بالسكري بسبب كثرة أكل الحلويات والمناسف وبالنهايه بسبوا على الحكومه بسبب إنهم مش املاقيين يوكلوا.





التعليق والتصويت على الموضوع في الموقع الرئيسي


التعليقات

1 - شيفرة ؟ ومن لايعرف هذا ؟
عبد الله اغونان ( 2017 / 10 / 8 - 15:10 )
كتاباتك صارة بضاعة كااااااااااااااااااسدة

2 - اغونان
جهاد علاونه ( 2017 / 10 / 9 - 03:56 )
وها انت تعترف انني املك بضاعة مش مثلك لا شيء وتحاول السطو على بضاعة الناس ولا تستطيع أن تنتج اي بضاعة, بحب اقهرك وأقلك انه اللعب من زماااااان تحول من الحوار الى مواقع اخرى حتى اللحظة لم تسطع معرفتها..اطلاااااااح..
ثالثا هذا المهم ان تقتنع بان بضاعتي فاسده وتحل عنا بالقرف تبعك.
رابعا وهو الاهم انا دائما شديد الحزن عليك.

3 - جهاد علاونة من حزين على من
احمد الجندي ( 2017 / 10 / 14 - 20:30 )
انت تعترف انني املك بضاعة مش مثلك لا شيء وتحاول السطو على بضاعة الناس ولا تستطيع أن تنتج اي بضاع
هممم ما هي بضاعتك
1 التنصير
2 كراهية الاسلام
3 انتقاده
4 التخفي
لا اعلم ولكنها بضاعة منتشرة في الموقع بشكل جبار
حب اقهرك وأقلك انه اللعب من زماااااان تحول من الحوار الى مواقع اخرى حتى اللحظة لم تسطع معرفتها..اطلاااااااح.
غير متاكد مما تقصد ولكن مهما دورت الكلام لم اجد له معنى واضح
الثا هذا المهم ان تقتنع بان بضاعتي فاسده وتحل عنا بالقرف تبعك.
1 ياااااه مستوى ثقافي عالي كلمتك الاخيرة
2 الكل يعلم في قلبه ان بضاعتك فايدة ولكن فقط لانها تهاجم شيء معين اجبها الناس فقط

رابعا وهو الاهم انا دائما شديد الحزن عليك.
وانا ايضا لانك مقنع

اخر الافلام

.. فيلم شقو يحافظ على تصدره قائمة الإيراد اليومي ويحصد أمس 4.3


.. فيلم مصرى يشارك فى أسبوع نقاد كان السينمائى الدولى




.. أنا كنت فاكر الصفار في البيض بس????...المعلم هزأ دياب بالأدب

.. شاهد: فنانون أميركيون يرسمون لوحة في بوتشا الأوكرانية تخليدً



.. عوام في بحر الكلام - الفن والتجارة .. أبنة الشاعر حسين السيد