الحوار المتمدن - موبايل
الموقع الرئيسي


بغيت نفهم

عبدو رالب

2017 / 10 / 12
الادب والفن


بغيت نفهم
(الدار البيضاء 20 جواه 2017)


بغيت غير نفهم شي شوية آش جاري فهاذ لبلاد لمتعوسة
حتى شي أمور ما كاتمشي بعقلانية وتدابير مدروسة
عطيونا شي جوابات بسيطة و ملموسة
خذونا على قد عقلنا الا عتابرتونا قاصرين
كانخربقو و فأمور الدولة و السياسة جاهلين
ماشي من ورا لبحر و شّمس جايين
كفاش ول لبارح واحد لغراب سميتو لفزازي
كان كا يدور ف جوامع و تلفزيونات وبكتباتو صفرة كايراري
كايحرض بآياتو لقرآنية على لإرهاب لكبار ودراري
حتى تفرگعو ف الدار البيضا وقتلو زِّنات ديال لأبريا
حكمو عليه ب لحبس وخا نكر ولأفكارو عطاها تبريا
عفا عليه الحكام و من لبنيقة خرجوه
و للدفاع على لمخزن نصبوه

حنا لي توهمنا نهاية دعوات لحقد و لكراهية
ليوم واحد آخر من تعليم هاذ لمرّ وسميتو أبو لجحيم
كاينبح بحال شي كلب مسعور بخطابو لجاهل لعقيم
كل صباح وعشية ضد كل من ختالف معاه ونعتو
ب صّهيوني و لفاسد وديوتي وف سّبان ولمعيار مرغو
حتى واحد ماحرك صبعو صغير،
لامخزني ولا علماني نقي ولا حتى کلب حقير...

ليوم لقاضي عطى سراح لمؤقت لواحد لقاضي فاسد
بلعلالي رشوة ديال خمسين مليون عليها قابض
وقال ليه : سير لدارك رتاح يا مو لعيون
فخرق واضح للدستور ولأعراف و لقانون
هاذ لقضا هو لي سْكت على تهراس لعضام ف رِّيف
لي كا يحتج على لفساد من لخريف وحنا دابا ف صِّيف

لمعنى من كل هذا هو :

كون ب لواضح فاسد وشد رشوة
وسير لدارك بصحتك تاكل لمحمر وشوى
ماتحتج على والو راك غاذي تشد وف لكاشو تشوى
هذا هوا لمغرب لي حاكماه عصابة
من لفاسدين و لصوص و نصابة





التعليق والتصويت على الموضوع في الموقع الرئيسي


اخر الافلام

.. كل يوم - لقاء في الفن والثقافة والمجتمع مع الكاتب والمنتج د/

.. الفنان أحمد سلامة: الفنان أشرف عبد الغفور لم يرحل ولكنه باقي



.. إيهاب فهمي: الفنان أشرف عبد الغفور رمز من رموز الفن المصري و

.. كل يوم - د. مدحت العدل يوجه رسالة لـ محمد رمضان.. أين أنت من



.. كل يوم - الناقد الرياضي عصام شلتوت لـ خالد أبو بكر: مجلس إدا