الحوار المتمدن - موبايل
الموقع الرئيسي


بغيتكْ ..

سليمان الهواري

2017 / 10 / 29
الادب والفن

بغيتكْ ..
*****
بغيتكْ ..
أنا بغيتكْ
صفحة بيضة
صافيَة
والمْداد مْدادي
نرشمكْ من روحي
أرضْ
ننبت فيك غابة مْحبّة
مْنْ عِينيكْ
نرشْ جبح عسل
لقلبي تكوني ساروت
ونكون أنا الباب
بغيتكْ ..
سطرْ
يكتبْني مُورا سطرْ
يقفل بيك الحكاية
بيك يتسد الكتابْ
بغيتكْ ..
امرأة ،
كمرة مْضوّية
بِين السطر والسطر
تشرق شمس
مغطي بنورها حجابْ ..
بغيتكْ ..
امرأة ،
تكتب بين حروفي
حروفها
تعاود كتابتي
أنا كُلّي تعاودْنِي
مْصحاف ومْكْتابْ ..
بغيتكْ ..
حجّاية
حلامَة
تداوي جراحْ العمرْ
تداوي الروح
شتّتْها الترْيَابْ ..
بغيتكْ ..
امرأة ،
تخلقاتْ ف روحي
فاش ربّ الكون
قال ليها
كُوني سرّ سليمان
كُوني الخاتم
كُوني بلقيس
كوني لفرحتي السّبابْ ..
كُوني نْتي كوْني
كُوني نهاراتي
كُوني ايامي
كُوني فرحتي
كُوني لِي ظْلّي
يا لاللات العيالات
كُوني لِي وحدْك
كلّ الاحبابْ ..
*** سليمان الهواري / رضا /***

---

---

---

التعليق والتصويت على الموضوع في الموقع الرئيسي

---

.. الفنان أحمد عبدالعزيز يجبر بخاطر شاب ذوى الهمم صاحب واقعة ال


.. غيرته الفكرية عرضته لعقوبات صارمة




.. شراكة أميركية جزائرية في اللغة الانكليزية


.. نهال عنبر ترد على شائعة اعتزالها الفن: سأظل فى التمثيل لآخر




.. أول ظهور للفنان أحمد عبد العزيز مع شاب ذوى الهمم صاحب واقعة