الحوار المتمدن - موبايل



من تزعل يا فالنتاين

ميسون نعيم الرومي

2018 / 2 / 13
الادب والفن


من تزعل يا فالنتاين
ميسون نعيم الرومي

من تـزعـل..
تـِزعـَـل مني الدنيه اتضيگ
تـِنطـَـش روحي اوما تلتم
من تـزعل عيني اتلوبح..
دمعي سيل او ماينلم
امضيع دربي اوكلي اهموم
گلبي اجناح اوهالملچوم
عمري ابخـَـدّك هالموشوم
يا حلم اصباي البيه احلم
دمعي سـيل اوماينلم
***
من تـزعل
تطفه الشمس اوعـَني اتغيب
اوبـِذراعه ! ايجتفني الليل
ايحملني امن اذنوبه .. اذنوب
تطول ساعاته اتهد الحيل
والگمـَرايغـَـرّب حزنان
ايلـِم انجومه ايـدَوْر ادروب
واگـليبي يرفس مصيوب
موال اقرالك يا نوم
ضاعت لـَـيام .. اوكل يوم
ظلمه الدنيه او كلهه اغيوم
جرح اليدّي .. ماينلم
يا حلم اصباي البيه احلم
***
من تـزعل
ايتيه .. ايـدَوّر (فالنتأين)-
يتوَجـَّه اعلـَه اضلوعي اسنين
وَرْدَه الأحمر مابي لون
والعطر امطـَـشر بالكون
يا قدري العابث مجنون
چـَم دوب اوبعد اوليوين
كحـلـَـتـهـَه اتنگــّط لعيون
يالنايم بين الأجفان
كالولي .. اكتب افراح ,,
احلالك والله واسلم
حاول نوبـَه .. اوتتعلم....
واشلون ... اتعلم ؟
يالحلم الأزلي البيه احلم
------------------------------
14 / شباط / 2018
ســــــــــــــــتوكهولم







اخر الافلام

.. مداخلة الفنانة -درة- و -ايمي سمير غانم- للحديث عن استخدام قص


.. صباح العربية تراب الماس في صدارة أفلام العيد


.. الموسيقى تساعد مرضى الخرف من الشعور بالاكتئاب والتوتر




.. احيا وأموت على البصرة .. الغناء البصري الرائع


.. وحدة لسان الحاج.. دور إنساني يتجاوز خدمة الترجمة للحجاج