الحوار المتمدن - موبايل
الموقع الرئيسي


يمعَودين من شعر المربعات البغدادية

ميسون نعيم الرومي

2018 / 2 / 19
الادب والفن


-(ضاع الحابل بالنابل) يمعودين
نـمـْـسـَـح يـوميه اشــكابـيـن
اتحذرك وحده من (عكوش)-
وحده اتعزمك ع الكروش
واحد متخفي ابطربوش
يرحمكم ربكم يالطيبين
نـمـْـسـَـح يـوميه اشــكابـيـن
***
فيس البوك ادخيلك عمي
حرگت لرسايل دمي
عثرات اهوايه اولمي
صدگ ابچذب اومخبوطين
-(ضاع الحابل بالنابل) يمعودين
***
دخلك (نگزه)! اومن فضلك
عمم وانشر احسنلك
امنين انت ؟ امنين اهلك
سوءالآت اهوايه امحضرين
اتجيبون الوكت امنين..؟
نـمـْـسـَـح يـوميه اشــكابـيـن
***
صارت حسره افتح فيس
حسن..قاسم..عمر..وياهم قيس.....
خشمچ عالي ! كافي .. بس!
متعليه ليش ..؟ اومتجاوبين
رحمونه اشويه .. يمعودين..
***
اسمع واحذر يا مهيوب
العشره اتودي هالمكتوب
لوتخلف .. تصبح مصيوب!
وين اوصلنه گلي وين..؟
رحمونه اشويه .. يالحلوين..
-(ضاع الحابل بالنابل) يمعودين
***
ايخابر وايقرر وايرن..!
مـَـتـْعـُرفه اولاتدي .. من
ابروحه اومتعجب .. لن
نتحـَضر.. يمته ؟
واحنه ابقرن الواحد والعشرين
-(ضاع الحابل بالنابل) يمعودين
***
تتورط لوتكتب چلمه
شخصيه اتسويهه اللمه
استثني الناس المتعلمه
واحدهم يسوه الفين
ثقافه اوعلم اوتمكين
ارجال ابلادي الطيبن
الهم شكري اوهاي العين
---
گالولي اسكت اسلـَم
اشويه اشويه .. اونتعلم!
واليسكت .. گلبه اظلم
يمـْـسـَـح يـوميه اشــكابـيـن
-(ضاع الحابل بالنابل) يمعودين
---------------------------------------------
مربعات بغدادية (الذكر الطيب الى ملوك المربعات والمنللوج عبود الكرخي,عزيز علي،فاضل رشيد)
مهداة الى من له حساب فيسبوك ويعاني مثلما اعاني
مع تحياتي للجميع





التعليق والتصويت على الموضوع في الموقع الرئيسي


اخر الافلام

.. لحظة تشييع جنازة الفنان صلاح السعدني بحضور نجوم الفن


.. هنا تم دفن الفنان الراحل صلاح السعدني




.. اللحظات الاولي لوصول جثمان الفنان صلاح السعدني


.. خروج جثمان الفنان صلاح السعدني من مسجد الشرطة بالشيخ زايد




.. حور محمود الخطيب رئيس النادي الأهلي جنازة الفنان صلاح السعدن