الحوار المتمدن - موبايل
الموقع الرئيسي


فيرناندو بيسوا - لوجِيعَة، الشّبَاكْ والبَبَّغَاءْ

ضياء البوسالمي

2018 / 3 / 18
الادب والفن


مقطع من كتاب اللاطمأنينة تع بيسّوا (فقرة عدد 224، الصفحة 253 من الترجمة الفرنسيّة)

الخيال ماهو الاّ حاجة مسمينها نحنا حقيقة..
تعداو نهارين والمطر تصي من سماء غري* وباردة. مطر موش كيما العادة، فيها حاجة سبيسيال**، لونها يحزّن الرّوح. نهارين كاملين تعداو. الي قاعد نحس فيه في حد ذاتو يحزّني. وهذا الي قاعد يتعكس على بلار الشُّبَاكْ، على صوت الماء الي يقطّر والمطر الي تصب. قلبي يعصر عليّ ومقبوض وذكرياتي لكلها ولات حيرة وخوف. النوم هارب، ومعندوش حتى سبب باش نخلّيه يجيني، شاهي نرقد.
قبل، وقت كنت صغيّر ورحان، كنت نعيش في بيت بجنب ساحة فيها صوت ببغاء ملوّن. حتّى في ايامات المطر، كلامو يبقى هو هو ميتبدّلشويبقى يصيح وهو بعيد على المطر أكيد،ويعطي إحساس شخصي وراكح، يعوم وسط حزن مغطّي على الجو كيما صوت تع الفونوغراف الي يوصل بالمسبّق.
زعمة خمّمت في هالببغاء خاطر حسّيت روحي حزين وذكريات تع صغري ذكرتني بيه؟ لا، خمّمت بالرسمي، خاطر في العمارة الي مقابلة، نسمع توّة في صوت ببّغاء يصيح بطريقة موش متوقعة جملة.
ملاّ خُبِّيلة في راسي.. وقت الي نتذكّر، هذا معناها حاجة أخرى خاطي التّخمام. كان نشوف، نحسب روحي مَشُفْتِشْ ووقت نبدا شارد وقتها بركة نجّم نشوف بلقدا.
نعطي للشباك بظهري، بلاّرو يتحس بارد لأي يدين تمسّو. ونهز معايا، هذا سحر الضوء الخافت، بيتي القديمة والببغاء الي صوتو مبحاج في الساحة الي بجنبنا وعينيّ يتسكرو م النوم ويرزنو تحت حاجة مستحيل تتصلّح هي انّي انا عشت وتوجدت.

*غري: المقصود هنا هو اللون الرمادي أما بحكم نحنا بالدارجة دخلنا الكلمة الفرانسويّة غري ومنقولوش جملة رمادي فضّلت نخليها في الترجمة.
**سبيسيال: كيف كيف هي كلمة فرانسويّة دخلت لكلامنا تع كل يوم وولينا ديما نقولو فيها واذاكة علاش خليتها في الترجمة تع النص.





التعليق والتصويت على الموضوع في الموقع الرئيسي


اخر الافلام

.. الأسود والنمور بيكلموها!! .. عجايب عالم السيرك في مصر


.. فتاة السيرك تروى لحظات الرعـــب أثناء سقوطها و هى تؤدى فقرته



.. بشرى من مهرجان مالمو للسينما العربية بعد تكريم خيري بشارة: ع

.. عوام في بحر الكلام | الشاعر جمال بخيت - الإثنين 22 أبريل 202



.. عوام في بحر الكلام - لقاء مع ليالي ابنة الشاعر الغنائي محمد