الحوار المتمدن - موبايل
الموقع الرئيسي


صباحُ حلو حوار بين عاشقين

غالب المسعودي
(Galb Masudi)

2018 / 4 / 25
الادب والفن


لا تنقصه الجرأة
غالب المسعودي

لان انت حلوة والصباح
ما يحلى
الا بيج
ادري نايمة من التعب
والتعب يدريج
إو ما يجامل
مو هي هيج الهيج
ادري
انت القصيدة
والقصيدة الما تدّمع العين
أشمرها وواريها
وأهي تجي وتروح
جا موش هية الهيج
مو كلشي نبوح
----------
بفراكج التم الحزن
ما نام ..........
كضيت ايام ما نام
ارضع جالطفل مفطوم ما نام
جاهيج الحب نبّت بية
---------
كليبي من الزعل ضمران
تكللي جا هو
الوكت هم ضم ران
انا شفافي والنهود ضم ران
روحي شيبت والعواذل مكيفة بية
---------
تكلي
جا مو آنة البعت كلشي وكلاشي
وماحصلت من حبك كلاشي
بس اريد اسلم على عبيتي و كلاشي
جا ليش هية الوادم تتشمت بية...........!
-------
تكلي.........
الحجاج تتبارك بماي زمزم
وانا تبارك بالنفس من يلوع
والنفس اقدم
يلي ريحتك اطيب من القداح
والقداح يتندم
احبك وتجافيني
جا مو انت امية عيوني
يل بوستك ترد الروح
وانة باخر اسنيني
------
ما ادري شكولن
واشتردين كولي
الينذبح بالحب
ما يترجى
عسل و اقدم
------
او من تردين كولي
-----
انا ما يالمني الشكة
بس شوفتك
يمي عيني
جا مو طولت... كولي
------
كلت.........................
يتفاح جاي من اللكط
والجوري مورد بخدة ورد
اشمة حيل
واتمنة
انامن
على خدة
-------
ومن اكولن
آه ...........زفرة نار
يتلا كة
جبدي
ويي جبدة
--------
خليني انتف اسنيني
احبك موت
ويا ايد التلاويني
بس انت الكسرتي الضلع
[ها ..............
احبيني.........
ليش
انت ما تريحيني
يجوز
ملتهية وية البيت
ويجوز
عيناج مو يم عيني
جا هذا تالي الحب
واعذرج
والعذر مقبول
جا احنة
شلون انهده....................!
وانت صنو للروح
وياج الجنة
تبوح
ما اريد حور العين
او ما اريد
لذتي تطاول اسنين
اريدن فد
يوم
انا وياج نسويهة
او نبط جبدة





التعليق والتصويت على الموضوع في الموقع الرئيسي


اخر الافلام

.. إعلام إيراني يناقض الرواية العراقية حيال -قاعدة كالسو- وهجما

.. شبّه جمهورها ومحبيها بمتعاطي مخدر الحشيش..علي العميم يحلل أس



.. نبؤته تحققت!! .. ملك التوقعات يثير الجدل ومفاجأة جديدة عن فن

.. كل الزوايا - الكاتب الصحفي د. محمد الباز يتحدث عن كواليس اجت



.. المخرج الاردني أمجد الرشيد من مهرجان مالمو فيلم إن شاء الله