الحوار المتمدن - موبايل
الموقع الرئيسي


قصيدة مسار إجبارى

رمزى حلمى لوقا

2018 / 5 / 6
الادب والفن


مسار إجبارى
***
مغصوب علىّ
أعيشها إجبارى
مجبور أعيش مبتسم
والحزن متدارى
رغم أنه لابد فى حضنى
ويلف فى مدارى
لا خاب فى يوم ظنه
و لا تُهت عن دارى
فإبن حوا مُسير
و الدنيا دوّارة
نحلم بعيشة القصور
ترمينا بجسارة
فى يوم تحبك قوى
تعمل لك اللالّى
و تانى يوم تدهسك
تفضح ولا تخللى

ندور فى سواقيها
كما الجاموس
سُخرة
مين يدفع الأجرة
و مين يحاسب
فى القعدة ع المشاريب
مين فينا لسه غريب
مين فينا صاحب الدار
مين فينا عقله طاب
مين فينا لسه خضار
عايشينها باستحمار
يفنونا لو نقترب
مجبور أعيش مغترب
وسط أحبابى
و أقفل ضلف بابى
أنا مش مخير فى شىء
حتى فى طولة اللسان
أبدان و متسلطة
على أبدان
أمشيها جنب الحيط
يطلع لى ميت بلطجى
أبرز يا سيدنا الفلوس
ترجع لحضن أمك
و أمك هناك
تسم فيك البدن
يا خلفة آخر زمن
يا ريتنى كنت تاويتك
يوم ما خلفتك
يا حيرة الأضبش فى ليل أعمى
العيشة هدة حيل
يا أسيادنا طفح الكيل
لو عشت فيها ذليل
موتك يكون أرحم
آخر كلامى ضلال
يا كل أحبابى
يا تعيش هنا بلطجى
يا تعيشها إرهابى
***
كلمات
رمزى حلمى لوقا
مايو
2018





التعليق والتصويت على الموضوع في الموقع الرئيسي


اخر الافلام

.. فيلم شقو يحافظ على تصدره قائمة الإيراد اليومي ويحصد أمس 4.3


.. فيلم مصرى يشارك فى أسبوع نقاد كان السينمائى الدولى




.. أنا كنت فاكر الصفار في البيض بس????...المعلم هزأ دياب بالأدب

.. شاهد: فنانون أميركيون يرسمون لوحة في بوتشا الأوكرانية تخليدً



.. عوام في بحر الكلام - الفن والتجارة .. أبنة الشاعر حسين السيد