الحوار المتمدن
- موبايل
الموقع
الرئيسي
حِنكش و حَنكوش و الحُونكيشَة
أيمن غالى
2018 / 6 / 3كتابات ساخرة
من الكلمات المصرية الحديثة و إللى شوفتها فى الشارع المصرى فى تسعينيات القرن الماضى هى كلمة حَنْكُوشَة ..
و الحَنْكُوشَة و الحُونكيشَة فى القاموس المصرى الحديث تقترب من مرادف كلمة الإفتِكاسَة، و الإفتِكاسَة هى نوع من الإبتكار و التجديد، يعنى ممكن نقول على المخترع بأنه مُفتَكِس, و على الإختراع بأنه إفتكاسة و على الإختراعات بالإفتكاسات .. و علم الإفتكاس له قواعد و شروط علمية، يعنى ما ينفعش يبقى زيه زى الفنكوش ( و كلمة الفنكوش هى كلمة مستحدثة و معروفة فى الشارع المصرى من تمانينات القرن الماضى بمعنى شئ مالهوش وجود أو مالهوش أساس أو معنى ) ..
أما الحونكيشة فهى إدعاء ما لا أساس له، يعنى إفتكاسة فنكوشية ..
و ممكن تكون باحث أو عالم و يكون عندك إفتكاسة فتقوم تنشرها فى بحث علمى و فى مجلة بحثية لمؤسسة بحثية .. أما بقى لو عندك حونكيشة فدى بقى تنشرها على السطوح على حبل غسيل أم تهانى، أو ترزعها على أى مدونة على الإنترنت، و يوم و التانى و تلاقى حِنْكِش و حَنْكوش نقلوا عنك الحونكيشة ..
و قد إختلف العلماء فيما بين مصطلحين الحونكيشة و الحنكوشة و قال مفتكس إن الإفتكاسة الفنكوشية لو خرجت من دماغ واحد حنكوش فهى حنكوشية و إن كانت إفتكاسة من دماغ حنكش فهى حونكيشة ..
المشكلة بقى و الكارثة الكبيرة فى إنك لما تدخل فى نقاش علمى مع أحدهم فتلاقيه بيسترشد على كلامه بحونكيشة ( إفتكاسة فنكوشية ) ..
أما الفرق بين حنكش و حنكوش فدى بقى عايزة شخرمانة برطمانية و أرجع لكم
|
التعليق والتصويت على الموضوع في الموقع الرئيسي
.. فودكاست الميادين | مع الشاعر التونسي أنيس شوشان
.. حلقت شعرها عالهوا وشبيهة خالتها الفنانة #إلهام شاهين تفاصي
.. لما أم كلثوم من زمن الفن الجميل احنا نتصنف ايه؟! تصريحات م
.. الموسيقى التصويرية لتتر نهاية مسلسل #جودر بطولة النجم #ياسر_
.. علمونا يا أهل غزة... الشاعر التونسي -أنيس شوشان-