الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
سنينى العجاف
رمزى حلمى لوقا
2018 / 6 / 3الادب والفن
سنينى العجاف
***
طالت سنينى العجاف
لسه الرغيف الحاف
عاصى على ملحى
إتبرى يا أم البنات
من لونك القمحى
و عرى توبك
و حنى الشعر خوجاتى
شدّى الحزام ع الخصر
و هزّى البطن سنباطى
ما عادش فيها رجا
إلا بمسك الصاجات
يا نموت بداء الشرف
يا نعيش هنا أغوات
محلاها عيشة الغوازى
و رقاصين الحبال
العدل أصبح مُحال
يا دونية الأموات
يا دنيا ما لهاش عَدَل
فيه طبقة للمنبوذين
و طبقة للبشوات
يا مقسمين لارزاق
قسمتوا بينّا العَوز
و الفقر ع البطاقات
نزعتوا أرض الغلابة
و بنيتوا للبهوات
و عيشتوا جوا السور
يا مخلوقين بنّور
إحنا حفان من طين
و إنتم هالات من نور
شى الله يا ماسبيرو
فين ناسك الفقرا
راح يرجعوا خدّامين
لناسك الأمرا
عايشينها بالسخرة
فى جهنم الحمرا
و الله عليه العوض
يا أرضنا السمرا
و الله عليه العوض
يا أرضنا السمرا
و الله عليه العوض
يا أرضنا السمرا
***
كلمات
رمزى حلمى لوقا
يونيو 2018
|
|
التعليق والتصويت على الموضوع في الموقع الرئيسي
.. تكريم إلهام شاهين في مهرجان هوليود للفيلم العربي
.. رسميًا.. طرح فيلم السرب فى دور العرض يوم 1 مايو المقبل
.. كل الزوايا - -شرق 12- فيلم مصري يشارك في مسابقة أسبوع المخرج
.. الفيلم اللبنانى المصرى أرزة يشارك فى مهرجان ترايبيكا السينما
.. حلقة #زمن لهذا الأسبوع مليئة بالحكايات والمواضيع المهمة مع ا
