الحوار المتمدن - موبايل
الموقع الرئيسي


يوميات عقله

خالد العلاونه

2018 / 6 / 21
كتابات ساخرة


يوميات عقله
(لا تنشخط )
خالد العلاونه
هييه يا جده ... العب شويه شويه لا تقع

عادي يا جده ما أقع ... بهمش

لا يا جده مش عادي .. اذا وقعت بتنشخط

هون بتدخل عقله :

مالج عالقاروط .. شو بدج بيه ما يلعب

يلعب ما قلناش اشي بس يدير باله ع حاله بلاش ينشخط وتعلم بيه

ما ينشخط شو يعني .. بكبر وبنسى ... قديش اشخوطنا وتفشخنا وهاظحنا شو نقصنا

يا زلمه زمانك غير زمانهم هظول الولاد

جيف يعني ..

ما شفتش مبارح يوسف ابن صالح ابن ابو صالح جارنا شو صار معه

شو صار معه

مش قدم تا يصير ضابط بجامعة مؤته

آه .... شو صار معاه

قال عمل كل الفحوصات وكان منتاز بيهن .. المسكين غير الفحص الطبي

له له له ... شو لقو معاه

ولا اشي ... قال بيه بايده شخط .. جنه مشخوط وهو يلعب طوامه لما كان عمره سبع سنين

آه .. وما يكون معه شخط .. شو يعني

قال هاظ الشخط بأثر عليه وعلى شغله

فكج من هالسولافه يا مره .... روح يا جدي العب ونط مثل ما بدك تردش ع جدتك

يا زلمه جيف لا يردش علي بدك تصيع الولد

هييه يا مره ... ولج عندنا كل شي بمشي ومن هون تا يكبر الله اعلم .. بجوز يصيرو يوخذوا اللي معه عاهه .. والسليم ما يقبلوه

ول معقول يا زلمه يصير هيج

هلا هلا .. انتي بتدريش ... عندنا وزرا معاهم معلوليه وصارو وزرا

معقول

صدقيني .. عندنا وزير معاه معلوليه بعجز 51% .. وهيوه صار وزير

شو يعني عجز 51%

يعني المفروض انه يا الله يقدر يخدم حاله ... يعني بالعربي يا الله يقدر يقضي حاجته

وااااال وصلنا لهون

آه .. مهو أبيش بالبلد كفاءات .. انجبروا يجيبوا العاهات . ...

طيب الملك بدري

هيه يا مره .... صبي شاي ..صبي ... بدها تضيعنا حريقت الحرسي .





التعليق والتصويت على الموضوع في الموقع الرئيسي


اخر الافلام

.. كل يوم - لقاء في الفن والثقافة والمجتمع مع الكاتب والمنتج د/

.. الفنان أحمد سلامة: الفنان أشرف عبد الغفور لم يرحل ولكنه باقي



.. إيهاب فهمي: الفنان أشرف عبد الغفور رمز من رموز الفن المصري و

.. كل يوم - د. مدحت العدل يوجه رسالة لـ محمد رمضان.. أين أنت من



.. كل يوم - الناقد الرياضي عصام شلتوت لـ خالد أبو بكر: مجلس إدا