الحوار المتمدن
- موبايل
الموقع
الرئيسي
قولولها نا جيّت ..
منيرة نصيب
2018 / 8 / 13الادب والفن
قولولها .. قولولها
نا جيت ..
قولولها إرياف وقتلني
طايرة رديت .
قولولها .. حنيت .
قولولها ..
زيدوا كذا وأحكولها
ما ريت كيفا زولها
كي زولها ..
يشهد الله ما ريت .
قولولها وين بينت ..
وأنسومها شميت ..
قولولها بكية رضيع
غصباً عليّ بكيت .
قولولها نا جيت ..
قولولها الودادة ..
قولولها لشمسها
ولبحرها ..
لناسها ولجوها
أمرايفه بزيادة ..
قولولها ..
اللي حُبها ما هوش
عادي
وفاق وتخطى العادة .
قولولها ..
كان عاتبه ..
كان لايمه ..
ما يوم في بُعدي لها
بإرادة .
قولولها نا جيت .
قولولها اللّي فارحة
بلّم الشمل ..
اللّي دوم شيالة حمل
اللّي زاهية ..
اللّي نايرة ..
اللّي صاينة ..
أحلامنا فعيونها .
قولولها ما شي
تسوى
نا حياتي دونها .
قولولها نا جيت .
قولولها .. قولولها
نا جيت ..
قولولها إرياف وقتلني
طايرة رديت .
قولولها .. حنيت .
قولولها ..
زيدوا كذا وأحكولها
ما ريت كيفا زولها
كي زولها ..
يشهد الله ما ريت .
قولولها وين بينت ..
وأنسومها شميت ..
قولولها بكية رضيع
غصباً عليّ بكيت .
قولولها وهي ليبيا
اللي الشمس ..
تاخذ ضوا من نورها .
قولولها نا جيت ..
|
التعليق والتصويت على الموضوع في الموقع الرئيسي
.. فودكاست الميادين | مع الشاعر التونسي أنيس شوشان
.. حلقت شعرها عالهوا وشبيهة خالتها الفنانة #إلهام شاهين تفاصي
.. لما أم كلثوم من زمن الفن الجميل احنا نتصنف ايه؟! تصريحات م
.. الموسيقى التصويرية لتتر نهاية مسلسل #جودر بطولة النجم #ياسر_
.. علمونا يا أهل غزة... الشاعر التونسي -أنيس شوشان-