الحوار المتمدن - موبايل
الموقع الرئيسي


يويو

رمزى حلمى لوقا

2018 / 9 / 2
الادب والفن


يويو
***
بطل
فى لعبة خيال الضل
حبة صوابع
بيحركوك
على لوحة البهجة و الاحزان
بيسخطوك انسان
ما لكش رأى فى لعبة الحواديت
بلياتشو لابس عدة التنكيت
و كل همك
تبسط السلطان
بيشحنوك
زمبلك
و يحفّظوك كلمتين
للوعظ و التبكيت
كورة من المطاط
مربوطة بالأستيك
مُسخة فى إيدين القاضى و السجان
بينطّطوك البُعدا
زى اليويو تتنطّ
زيبق و زىّ الدودة بتزفلط
ميمون
و وقت العوزة تعمل فيها قرداتى
بيرقصوك اراجوز
تملى الموالد هيصة و ملاوعة
نبطشى
تيجى تولع الليلة
ورا الغوازى تجرى فى الأفراح
لم النقوط فى العصر دا بقى فن
امنجى و فوريجى
و بتاع تلات ورقات
سيبك بقى م اللى فات
و توب بقى و ارجع
و اعرف صلاحك
نجاحك
ويّا أحبابك
كان للطريق علامات
و لسة موجودة
الظلم عشش يا حيلة
و باركت أفعاله
و شمت ف المظلوم
و رقصت يوم ما انحبس
فرحت عزّاله
ايّاك تكون فاكر
الظلم مش طايلك
اللى قتل الاسود
هيعمل إيه ف يويو ...؟
***
كلمات
رمزى حلمى لوقا
2 سبتمبر 2018





التعليق والتصويت على الموضوع في الموقع الرئيسي


اخر الافلام

.. شراكة أميركية جزائرية في اللغة الانكليزية


.. نهال عنبر ترد على شائعة اعتزالها الفن: سأظل فى التمثيل لآخر




.. أول ظهور للفنان أحمد عبد العزيز مع شاب ذوى الهمم صاحب واقعة


.. منهم رانيا يوسف وناهد السباعي.. أفلام من قلب غزة تُبــ ــكي




.. اومرحبا يعيد إحياء الموروث الموسيقي الصحراوي بحلة معاصرة