الحوار المتمدن - موبايل
الموقع الرئيسي


البابا يستقوى بطال عمره

أيمن غالى

2018 / 9 / 8
كتابات ساخرة


البابا و شيخ الأزهر كل يوم و التاني مع بعض؛ إيشي إحتماعات بيت العيلة و إيشي إحتفالية هنا و هناك و إيشي معايدة رايحة و معايدة جاية و غيره .. و كل يوم و التاني حضن دافى و بوسة مشبك ..
و بالرغم من كل ده؛ البابا ما إتعلمش بتعريفة من شيخ الأزهر أستاذ الأساتذة ..
نشوف أستذة شيخ الأزهر في التعامل مع الدولة و نتعلم الشغل الصح ..
شيخ الأزهر دماغه أنشف من الزلط, و حارس أمين علي تراث عفي عليه الزمن و العالم كله إتكوي بناره قبل مصر ..
الرئاسة طلبت من شيخ الأزهر شخروميت مرة تجديد الخطاب الديني و منع الطلاق الشفاهي و غيره من عوامل تخلف المجتمع و ترديه حضارياً، و الراجل يرد: على جثتي التفريط في تراث إبن تيمية و إبن القيم و بن عبد الوهاب ..
الرئاسة بعد ما شكلها بقي زبالة و إتضح حجمها الفعلي أمام شيخ الأزهر جبار البأس؛ لعبت لعبتها الدنيئة و إستغلت موظفها المخلص, و خادم أسياده في الرئاسة, و المحافظ علي كرسي وزارته؛ وزير الأوقاف؛ إللي وحَّد خطبة الجمعة, و منع كتب الوهابية و أساتذتهم بن تيمية و بن القيم الجوزية و غيرها من القرارات ..
عنتيل الأزهر يسكت و يعيش دور إللي واخد علي دماغه زي البابا و يقول مع الوَلايا: يعني أعمل إيه ؟
شيخ الأزهر رد علي لعبة الرئاسة الدنيئة بلعبة أكتر دناوة منها و إستقوي بالخارج ..
أيون إستقوي بالخارج، و بعت مراسيله لطال عمره يشتكي السيسي و عمايله السودة ..
قوم إيه؛ طال عمره يبعت مناخيره و قائم مقامه في مصر " إللي هو سفيره "، و يعلن لها عدم إرتياح المهلكة لقرار الرئاسة بمنع الكتب إللي جايبة مصر ورا و أحد أهم أسباب تخلفها و مشاكلها الداخلية ..
و النتيجة؛ فوز الشيخ إللي مش طيب بهزيمة الرئاسة هزيمة منكرة و يرعب الرئاسة إنها تدخل معاه في أي مباراة تانية غير متكافئة ..
و أمام حوادث التنكيل بالأقباط بدعم رئاسى و حكومى و أمنى و ازهرى بمصر؛ البابا كممثل للكنيسة ممكن يتعلم من شيخ الأزهر و يعمل إيه ؟
يعنى لو قولنا للبابا يروح يستقوي بالخارج و بحد يسنده؛ يروح لمين ؟
أنا رأيي يستقوي بطال عمره





التعليق والتصويت على الموضوع في الموقع الرئيسي


اخر الافلام

.. الاخوة الغيلان في ضيافة برنامج كافيه شو بمناسبة جولتهم الفني

.. مهندس معماري واستاذ مادة الفيزياء يحترف الغناء




.. صباح العربية | منها اللغة العربية.. تعرف على أصعب اللغات في


.. كل يوم - لقاء في الفن والثقافة والمجتمع مع الكاتب والمنتج د/



.. الفنان أحمد سلامة: الفنان أشرف عبد الغفور لم يرحل ولكنه باقي