الحوار المتمدن - موبايل
الموقع الرئيسي


باختصار الموضوع استمارة 6

عمرو سويد

2018 / 9 / 24
الحركة العمالية والنقابية


بعد ان قام هذا الشعب بثورتين على مدار اربع سنوات مازال يبحث عن حقه فى الكرامة الانسانية و العدالة الاجتماعية فهل من العدل ان نساوى بين الحق و الباطل .
هل من حق اصحاب العمل اللعب بحياة العاملين و الموظفين و التحكم فى اقدارهم باسم تشجيع الاستثمار اى استثمار هذا المغموس بالذل و المهانة و الاستهانة .
هل من حقوقك يا سيدى يا صاحب العمل ان تتحكم فى ارزاق واقوات و اقدار اولاد من اجل العمل لديك و كل من يعمل لدى منشاتك مقابل مراتب انت تعلم انه ليس من الآدمية ان يكون هذا راتبه الشهرى من اجل ارباح انت تحققها ....
كل هذا لان سيادتك بتجبر اللى يشتغل على امضاء استمارة 6 و يكون فى ايدك مستند ظالم جعلك اله تحكم النهاردة على واحد ان يتبهدلوا عياله و يشردوا بسبب حتة ورقة اسمها استمارة 6. او واحد عندك معندهوش ضمير شايف ان الموظف او العامل ده مش بيعمل اللى على مزاج سيادته فيطرده من عمله بعد مدة تذيد عن الخمس سنين لعشر سنين و يكون عمره فوق الخمسة و اربعين سنة تقضى على بيت و كيان واسرة بالسهولة ده ....
استغلال الشباب عشان العمل يجعل من هؤلاء الشباب متسولون يتسولون العمل من اجل خمسة ارغفة و كيس من الفول ......
أقرأوا حكاية هذا الشاب .........
مثل كل الشباب ذهب شاب للقابلة الشخصية بشركة ما .. بعد ان تلقى هاتفيا مكالمة من صاحب العمل .. للذهاب لمقابلة المدير العام و المدير الإداري ...
و تم الاتفاق على انه ....
1- يوجد سيارة لذهاب و العودة
2- سيذيد الراتب المتفق عليه بعد ثلاثة اشهر
3- اذا تم العمل زيادة عن موعد العمل الرسمية سيكون هناك اضافى عن ساعات العمل الاضافية
سيكون هناك تأمينات اجتماعية و لم يتفق على امضاء اى استقالة او استمارة 6
4- سيتم كتابة عقد بين الموظفون و الشركة للحفاظ على حقوقهم
لم ينفذ اى بند من كل هذا الا بند رقم 1 على فكرة ...
و كان يوجد مماطلة من جهة الادارة بحاجة ان العنوان المربوط عليه الاوراق الرسمية من سجل تجارى او بطاقة ضربيه هو عنوان ليس موجود لان الشركة قامت بترك هذا المقر المستأجر ...
و تأتى المفاجئة بعد عام من اصبروا علينا شوية و انتوا مش واثقين فينا ولا ايه ...
المهم ان وصلنا لمراحله مقابلة الوحش و هنا ابتداء التلميح للاستمارة المزعومة اللى الحكومة و القانون بيدى الحق لصاحب العمل انه يمضى الناس عليها ليه بقى عشان الاستثمار الجميل ميهبطش اكتر ما هو هابط او بعد عشرين سنة خدمة يكون الباشا متخانق مع المدام فيروح اى حد يجى فى وشه و يبقى ملهوش حقوق زى مثلا انه يكون ليه مكافئة نهاية الخدمة فى الحالة اللى اسمها الفصل التعسفي و بيكون العامل او الموظف ليه حق شهرين فى السنة على اخر مرتب صافى وصل له فى عدد سنين خدمته .
مثال يعنى لو واحد مرتبه 5000 جنيه صافى و خدم فى مكان لمدة 10 سنين حتكون مكافئته
الراتب الصافى 5000 * 2 وده نص القانون يساوي 10000
يبقى 10000 * عدد سنين خدمته اللى هما 10 سنين يبقى حقه مكفاءة نهاية الخدمة 100000 جنيه
اللى صاحب العمل بيمضيه على الاستمارة عشان بعد ما يخدم سيادته المدة دى كلها يطلع هو شخص ابله عبيط فى النهاية ....
و هذا ما كان يعلمه الشاب فرفض الامضاء على الاستمارة فتم الاستغناء عنه فى الحال ....
هذه ليست معناة شاب واحد بل هى معناة كل العمالة فى القطاع الخاص الا ما رحم ربي ....
اين حقوق كل هؤلاء و فى رقبة من تشريد عائلاتهم و اولادهم من يأتي لهؤلاء بضمائر نظيفة لا تعرف اكل الحق بالباطل ..
لن تكون هذه النهاية طالما يوجد مستند يهدد العمالة المصرية داخل هذه البلد
.النهاية بيت قد خرب
شكرا للمشرع ..............................................





التعليق والتصويت على الموضوع في الموقع الرئيسي


اخر الافلام

.. ماكدونالدز في ورطة جديدة بسبب إصابة عامل باليومية.. والشركة


.. ترمب يكتسب خبرة التعامل بشكل رسمي مع قاعات المحاكم




.. فرصتك-.. منصة لتعليم الشباب وتأهيلهم لسوق العمل


.. طلاب معهد ماساتشوستس للتكنولوجيا يعتصمون احتجاجا على الإبادة



.. ا?ضراب لعاملين بالقطاع الصحي في المستشفيات الحكومية المغربية