الحوار المتمدن - موبايل
الموقع الرئيسي


جاسمية ترشح للوزارة على عناد ابو جاسم

مؤيد عبد الستار

2018 / 10 / 11
كتابات ساخرة


مشهد تمثيلي ساخر 16
* نايل جتلني ونايل غير الواني / ونايل ببحر شوك طحت / سهران خلاني
- اي بالله جاسمية ..كملي .. هاليوم سويحلي للصبح
* ولك يا سويحلي .. هذا من ضيم كلبي
- اسم الله على كلبج جاسمية .. شعندي غيرج .. اكول سمعتي بالخبر الجديد
* خير يابه .. انت ما وراك غير الاخبار المصخمه
- لا والله .. اليوم خبر تازه ....يكولون ريس الوزارة ، يعني الراس الجبير بالحكومة ، طالب الناس ترشح للوزارة حتى يختار منهم وزراء .
* اي .. شكو بيها .. خوش سالفة .. بلجي يحصل على ناس اولاد اوادم يسويهم وزراء .
- انتي كل عكلج يحصل على ناس اولاد اوادم .. مو راح اليسوه والمايسوه يرشح نفسه ، وتعال عمي شيلني .
* ليش تعال عمي شيلني .. يسوون لجنه من الختيارية ويستنكون شجم واحد ابن اوادم مو حراميه ويسلموهم الوزارات .
- يعني هذا ابن الاوادم من يصير وزير ما راح يبوك .. قابل ضارب لقاح ضد البوك .. اشو الدولارات والدنانير جوه ايده بالمجر مال الميز .. وياخذ شمايريد مو ابو المثل يكول .. ماطول بالنخله تمر ماجوز من شرب الخمر
* ابو جويسم .. شجاب هاي على سالفتنه .. يا تمر يا خمر .. انت ما بالك غير السوالف المكسرة ، يعني انت شايف كل الناس حرامية .. ابو جويسم روح اقره شلون سوه مخاتير محمد بماليزيا حتى تعرف الشريف من الحرامي
- منو يابه هذا مخاتير .. هو مختار واحد عدنه بالسلف وبالينه بلوه .. هالنوب مخاتير بماليزيا .. جاسمية خلينه بضيمنه .. وين تردين بينه .. مخاتير ماليزيا ... هذوله وين لكيتهم ..!!
* ابو جويسم .. هذا ريس وزارة اسمه مخاتير .. شوكت تتعلم .. لو بس تعرف تفرهد مال الله وعباده .
- اني افرهد .. ده شوفي مجلوب السلف شلون صار آفه من صار نايب .. كام يبلع عمارات ومارسيدسات .. آنه شمحصل .. تاير مال سيارة ما قابض .
* جا وينه حجيك ذاك .. تكول نبربع بس يصير مجلوب السلف بالحكومة !! اشو ايد من وره وايد من كدام .. مو كتلك ربعك ما بيهم خير .. بس يعرفون ينهبون مال الوادم .
- كلها من وراج .. خاله خشمج بها السياسة العوجة مالتج .. والله شنو حقوق المرأة .. بابه كطعتي خبزتنه .. حتى مجلوب السلف كلب علينه من وراج وره سالفة حقوق وعقوق المرأة .
* انت ما تعرف شكثر حقوق المرأة ضرورية للشعب وللوطن .. ولعلمك آنه رشحت على وزارة المرأة ووديت طلب لريس الوزارة .
- ها .. مو كلت هسه اليسوة والمايسوة يرشح نفسه .. انتي بلا وزارة الله ما يجرعج .. هالنوب تصيرين بالوزارة .. والله خوش .. اكيد راح تكطعين رزقي هينوب .
اكوم اقدم طلب اني هم بلكت اصير وزير الرجال مو بس انتي وزيرة المرأة . حتى يصير دك الاصبعتين للصبح .

رابط الحلقة السابقة
http://www.ahewar.org/debat/show.art.asp?aid=612435





التعليق والتصويت على الموضوع في الموقع الرئيسي


التعليقات

1 - فعلا مسرحية بايخــــــــــــة
كنعان شماس ( 2018 / 10 / 11 - 19:51 )
تحية يا أستاذ موءيد عبد الستار فعلا تمثيلية بايخة جدا وزارات شاغرة فات الريس ان يقول ماعدى الوزارات السيادية وتطلع كل وزارات الحكومة سيادية والمخدوعين ال 36 الف ى ضيعوا وقتهم في كتابة طلبات الترشيخ وراحوا يصدقون كل ما يثرثر به ريس الوزارة غير المجرب

اخر الافلام

.. إعلام إيراني يناقض الرواية العراقية حيال -قاعدة كالسو- وهجما

.. شبّه جمهورها ومحبيها بمتعاطي مخدر الحشيش..علي العميم يحلل أس



.. نبؤته تحققت!! .. ملك التوقعات يثير الجدل ومفاجأة جديدة عن فن

.. كل الزوايا - الكاتب الصحفي د. محمد الباز يتحدث عن كواليس اجت



.. المخرج الاردني أمجد الرشيد من مهرجان مالمو فيلم إن شاء الله