الحوار المتمدن
- موبايل
الموقع
الرئيسي
مَتعوب ياليل السَهَر
ميسون نعيم الرومي
2018 / 10 / 20الادب والفن
مـَـتـعـوب ياليـل السـَـهـَر
ميسون نعيم الرومي
الروح تـَعـَّـبـْهـَه السفـَر – والغـربـَه لهـّـبـَة چانـون
(الدَمـِع حـَدَّه اويـه الجفن) – جـَمـرات حـضنت بجفون
نار البعد تـِلهـَب تـوج – سهمه غـِرَز عيب ايهون
مـَخـْـنـوگ اغص ابعبرتي – بسكوت تهمل لعيون
حسره توج وسط الحـَـشـَه – بجحيل تسطك اسنون
خزن جرح وسط الگلب – واضلوعي بيهه ايوجرون
بـسـكوت تـوجـعـني وأون – والروح بيهه ايعيلون
***
الحيـل دَمـَّه هالجـرَه – مـَـتگـلي دوياته اشـلـون ؟
غابـت شـَـمـِسـنـَه اوغربت - والليل عشعش بالكون
سـَـهـْران واحـسـب بالنـَجم – مني غـَـفــِل وايشردون
مـَطـْـفي گـُمـَرنـَه اوهالذبـَـل – بالظلمه مـِنـَّه ايـلمون
غـَـيـَّر مكانـَه اوهالرحـَـل – والعـيـد ويـنـَه ايـعـَيـدون؟
القـَـدَر يـلعـَـب لعـْـبــِتـَه – فـَـنـّان وايـفـن افـنـون
والغدر لابس عـِـمـِتـَه – چذب اوخـيـانـَه ايـعـبـدون
***
مـَـتـعـوب ياليـل السـَـهـَر – ابغزل الونين ايـغـزلون
غـَـرْگـان ماخـذني النـَهـَر – والنهر گالو مجنون
مسـفـوح يادمنـه رخص – ليـويـن بينه ايـغدرون
أيـام واســنـيـن المضت – مرجـوحـَه بـيـهـَه ايـهزّون
الـمـوج عـالي يـالبـَـحـَـر – والريـح تـِـصفـر تـدرون
الحسره غصه اوبالگـلـب – والوكـت غـيـَّـر باللـون
يادنـيـه كافي تـعـَـب – صالح اوبـيـهـه ايگـولـون
--------------------------------------------------
اكتوبر / 2018
ســــــــــتوكهولم
|
التعليق والتصويت على الموضوع في الموقع الرئيسي
.. مهندس معماري واستاذ مادة الفيزياء يحترف الغناء
.. صباح العربية | منها اللغة العربية.. تعرف على أصعب اللغات في
.. كل يوم - لقاء في الفن والثقافة والمجتمع مع الكاتب والمنتج د/
.. الفنان أحمد سلامة: الفنان أشرف عبد الغفور لم يرحل ولكنه باقي
.. إيهاب فهمي: الفنان أشرف عبد الغفور رمز من رموز الفن المصري و