الحوار المتمدن - موبايل
الموقع الرئيسي


يوميات أبو جبار - منو مثل أم جبار

سمير الرسام

2018 / 11 / 11
كتابات ساخرة


يوميات أبو جبار - منو مثل ام جبار؟!!

- سوالفك متخلص وية ام جبار!!
-- خبلتني يابو السا!
- ليش؟
-- قبل ثواني كلتلي ( الكنتور ) ما بي مكان محتاجين كنتور ثاني!! وورة شوية اتكلي اريد ملابس جديدة لان ما عندي ملابس!!
- مو النساء متحب تلبس نفس الملابس كل يوم . . التغيير حلو.
-- المشكلة الثانية ، من اكللهة سويلي غدة او عشة، اتكلي: اخ ظهري اخ رجلي كلش تعبانة!! فاني اعرف شلون اعرفهة متحجي الصدك!! اكللهة لعد روحتي علينة الروحة للمول!! اتفز من مكانهة وتركض ركض عبالك ميسي بهجمة مرتدة!!
- منو مثل أم جبار؟!!

____________________________

يوميات أبو جبار - الفكر فوك بعير والجلب عظة

- أكلك ابو جبار اللي ما عندة حظ شيسوي؟!
-- اللي ما عندة حظ يكظي حياتة طيحان حظ!!
- هههههه صدك.
-- هاي فد يوم واحد فتح محل وراد يكتب لافتة عليهة القيمة فكتب ( أبو جاسم وشركائه ) .
- حلو!
-- يا حلو. . أجتة الضرائب عزلولة المحل لان ما طلع عندة شركاء . .
- وبعدين؟!
-- كم شهر فتح المحل مرة لخ وكتب على المحل ( أبو جاسم وأخوانه )!!
- بس لا ما عندة اخوان!!
-- هم عزلولة المحل لان ما طلع عندة أخوة . . لا تكلي ولا اكلك من فتح المحل مرة ثالثة كتب عليه ( أبو جاسم لا شريك له )!! فات واحد من اللي يفجرون نفسهم وشاف اللافتة . . فجر المحل باللي بي.

________________________


يوميات أبو جبار - الدنية

- اليوم كلش أنغثيت أبو إيلسا!!
— منو غثك أبو جبار؟ وليش؟!
- أكو واحد أجة وياي بنفس اليوم للسويد، هوة حصل أقامة واني لحد الان ما محصل شي! فشفتة صاير أحوال!! وكلش اتعيقل براسي!
— گول يا الله يمعود، وين المغثة؟! كل واحد ياخذ رزقة!
- أي صح اني ما گلت شي، بس گلي :
شو بعدك ( أمهتلف ) شلونهة الدنيا وياك؟!!
— شقصفتة .. قصدي شجاوبتة؟!
- گتلة:
الدنية مثل الميزان ما أتصعد بس ( الناقص )!!
شو ضاج بعد اخوك #عود_ليش





التعليق والتصويت على الموضوع في الموقع الرئيسي


اخر الافلام

.. كل يوم - لقاء في الفن والثقافة والمجتمع مع الكاتب والمنتج د/

.. الفنان أحمد سلامة: الفنان أشرف عبد الغفور لم يرحل ولكنه باقي



.. إيهاب فهمي: الفنان أشرف عبد الغفور رمز من رموز الفن المصري و

.. كل يوم - د. مدحت العدل يوجه رسالة لـ محمد رمضان.. أين أنت من



.. كل يوم - الناقد الرياضي عصام شلتوت لـ خالد أبو بكر: مجلس إدا