الحوار المتمدن
- موبايل
الموقع
الرئيسي
يوميات أبو جبار - الهالووين
سمير الرسام
2018 / 11 / 12كتابات ساخرة
يوميات أبو جبار - الباچة
أبو جبار يريد يكتب موضوع باللغة السويدية عن العراق وتحديداً ( الأكلات العراقية ). من سألتة ليش؟!
گال :
جانيت كتبت عن البيتي فور لان امهة فرنسية وابوهة سويدي.
وماركوس كتب عن Humitas لأن هوة من تشيلي.
وآني فتحت ( الگوگل ) وكتبت ( أكلات عراقية ) طلعت صورة رأس باچة !! فسألوني: هاي شنو؟!
گتلهم : هاي أكلة نسويهة بعيد الرعب ( الهلويين )!!
شو اقنعوا!!
_______________________________
يوميات أبو جبار - الهالووين
أبو جبار يگول البارحة أم جبار تحوص!! سألتها: متگليلي شبيج، صار ساعة تفترين وتأففين، غير نفتهم شكو؟!
يگول جاوبتني: أنتة حقك لان بدون إقامة وما تريد تندمج وية المجتمع السويدي!! انتة تعرف باجر ( الهالووين ) وما اعرف شلبس !!
گتلهة: هوة هذا الهالويين مو عيد الرعب؟!
گالت : أي!
گتلهة: انتي حايرة شتلبسين؟!!
گالت: اي!
گتلهة: بسيطة!
شو ام جبار گعدت بصفي ولزمت أيدي بحنان!!
گتلهة : روحي بدون مكياج بهذا خشمچ اللي طالعتلة حباية أمخزنة .. انتي ينرادلچ بس مكناسة وتطيرين!!
شو لا عشتني البارحة ولا ريگتني اليوم #عود_ليش
______________________________
يوميات ابو جبار - أصديم
مرة سالوا ( أصديم ): شلون عرفت الكويت عراقية؟!
جاوبهم وهوة ينفخ بالجرود: عجل البارحة صلينة ببغداد صلاة الاستسقاء ومطرت بالكويت.
- لا يا منعول الصفحة على هالسالفة -
|
التعليق والتصويت على الموضوع في الموقع الرئيسي
.. هذا ما قالته الممثلة مي سحاب عن سبب عدم لعبها أدواراً رئيسية
.. -مساء العربية- يفتح صندوق أسرار النجم سعيد العويران.. وقصة ح
.. بيع -الباب الطافي- الذي حدد نهاية فيلم تيتانيك بسعر خيالي
.. الفنان #محمد_عطية ضيف #قبل_وبعد Podcast مع الاعلامي دومينيك
.. الفنان عبد الرحمان معمري من فرقة Raïm ضيف مونت كارلو الدولية