الحوار المتمدن - موبايل
الموقع الرئيسي


آه يا ليل

ميلاد ثابت إسكندر
(Melad Thabet Eskander)

2018 / 11 / 26
الادب والفن


******** أه ياليــــــــــــــــــل *******
قالوا أم الدنيا كتير،،، وحضارة وفجل وجرجير
وإحنا ياماحنا فلحنا نجحنا وشربنا لبن العصافير
وخرمنا أم التعريفة،، ودهَنا الهوا صبغة نضيفة
وزرعنا كمان المكرونة في البلكونة بالتقطير
وخرطنا أم الملوخية ع الطبلية وبَدعنا الزير

والعيش عندنا شمسي وضلي، رُد وقولي مين زَينا مين؟
صَدَّرنا العِلم ف كراتين،، وف علب التونة والسَــردين
وبنفتي في البحث العلمي، حربي وسلمي وزيت تموين
فتتنا الذرة بكماشة وعصرنا العُنصر بقماشة أيوَّه يا باشا
******* دَه سر خطيرررررررررر *******

وشوينا الفيرس ع السيخ، أيوَه يا شيخ، أم العقاقير
واللحمَــة الـنـيَّـة بنلهفها حتي، إن كانت لحم حمير
وبنشرب من أم النيل،، طعمُـه بالبكـتـريا جمـيـل
وبنسهر نسمع مواويل، أه ياعيني يابطني ياكبدي
******** أه ياليــــــــــــــــــل *******

بص هقولك وهوَّعيك،،، انســيَ كل إللي أنت عرفته
اسمع مني الله يخليك،، ده ماحدش شاف إللي أنا شُفته
ضحكوا عليا وضحكو عليك، والشاطر يصحَي بقي لنفسُه
***********************
ميلاد ثابت إسكندر
فنان تشكيلي
وأشكيلك
!!!!





التعليق والتصويت على الموضوع في الموقع الرئيسي


اخر الافلام

.. ربنا يرحمك يا أرابيسك .. لقطات خاصة للفنان صلاح السعدنى قبل


.. آخر ظهور للفنان الراحل صلاح السعدني.. شوف قال إيه عن جيل الف



.. الحلقة السابعة لبرنامج على ضفاف المعرفة - لقاء مع الشاعر حسي

.. الفنان أحمد عبد العزيز ينعى صلاح السعدنى .. ويعتذر عن انفعال



.. االموت يغيب الفنان المصري الكبير صلاح السعدني عن عمر ناهز 81