الحوار المتمدن - موبايل
الموقع الرئيسي


اموادعيك .. (عريان) .. اموادعيك

ميسون نعيم الرومي

2018 / 12 / 6
الادب والفن


اموادعيك .. (عريان) .. اموادعيك
ميسون نعيم الرومي
اموادعيك
-(عريان) .. اموادعيك
اموادعيك ..
ياصوت الشعب .. يبن العراق الرحت
وسفه ابعجل .. غفله ارحلت
ما ودعت
ما لحگت
من الشعر برج اوغرگ
طاح اوهوى ..
صرخة حزن .. صاح الوطن
يبچي الوطن ..
يبن الوطن
***
كلهه القوافي اتيتمت
لوزان كلهه اتگطعت
من غادرت
يبن الفرات الرحت
اهوايه عذاب اوشفت
وانت الگلت ..
(ياديرة گمر .. ياللي خذاك البين)
(ياللونك شمس .. ياعودة التين)

يالچان الوطن مظفور وي نبضك
يالحب الشعب متخاوي وي عمرك
اهوايه انت الشفت
ما غادرت
بين السجون اودرت
ما بايعت
ما هادنت
ويه الشمس صوتك عله
كل الشعب غنه الك
لمن گلت...
(احنه خلانه وكتنه)
(اتراب بحلوگ الرحي)
(اشما يطول الجرح بينه)
(ايطيب بس ما ينمحي)
***
يـ (عريان السيد خلف)
ياللي ارحلت
ما ودعت
ما لحگت
وانت الگلت...
(مثل الورد من يذبل بلايه اوداع)
( الماي من ينشف بلايه اوداع)

ضيم الوطن چن تعبك
(بيه اوإلك مية جرح)
گلبك سكت غفله انذبح
حيف ارحلت ... ما لحگت
ياللي رحت ما ودعت
وانت الگلت
لا تهيجين الجروح.....جروحي من تنلجم تدَي......
وانه من دم ولحم......مو من صخر جبدة العندي
وانه خلاني الدهر .....ناعور.....بس
أترس .......وابدّي.....
------------------------------------------
6 /12 / 2018
ســــــــــــــتوكهولم





التعليق والتصويت على الموضوع في الموقع الرئيسي


التعليقات

1 - ...
جوان علي ( 2018 / 12 / 6 - 23:12 )
الف رحمة على روحه .. وحمدا لناعوره الذي يترس ويبدي .. فقد عرفني على عوالم ساحرة .. عوالم الشعر الشعبي .. رغم صعوبة فك بعض طلاسم كلماته على صبية كورديه .. انا حزينة .. حزينة جدا .. تحياتي

اخر الافلام

.. تكريم إلهام شاهين في مهرجان هوليود للفيلم العربي


.. رسميًا.. طرح فيلم السرب فى دور العرض يوم 1 مايو المقبل




.. كل الزوايا - -شرق 12- فيلم مصري يشارك في مسابقة أسبوع المخرج

.. الفيلم اللبنانى المصرى أرزة يشارك فى مهرجان ترايبيكا السينما



.. حلقة #زمن لهذا الأسبوع مليئة بالحكايات والمواضيع المهمة مع ا