الحوار المتمدن - موبايل



لا تزعل..! تكملة!!

طالب الجليلي

2018 / 12 / 29
الادب والفن


طيف..!

خذني اعلا گد الزعل
يفلان
من تزعل
اوعلى گد السوالف
والدمع
غصبن علي يفلان
من ينهل
محروم كل العمر
شوكه ابحماده
امزوهره
اومن العطش
روحي الجفاها الماي
لو طال الوكت
يفلان
هم تنسل!!
لو گتلك أحبك!
خطيه ابرگبتك
دخيلك لا تِفز..
عليك الخضر يفلان
لا تِجفَل!!!
دوهني الوكت يفلان
من شفتك
تمنيت ارد اردود
للعشرين واكتبلك
وگللك ..
رسمتك وشم بلدلال
من زغري
اودورت
مالكيت امن البشر
يفلان
يشبهلك!!
چا هوه حظ هذا
تحسدني بيه الناس!
وبآخر محطه امن العمر
ألگيك..
يا طيف ...
يلمامش أبد منك!!؟؟

طالب الجليلي
29. ك 1 2018







اخر الافلام

.. سيرة حياة الفنان العراقي الكبير ياس خضر


.. كرواتيا: لاجئ سوري يتغلب على عائق اللغة بشغفه بالطباعة


.. معرض الفنون التشكيلية في القاهرة




.. #هوليوود_نيوز - كواليس فيلم Glass من بطولة صامويل إل جاكسون


.. بتحلى الحياة –الممثل محمد إبراهيم