الحوار المتمدن - موبايل



مجرد سلام ..!

طالب الجليلي

2018 / 12 / 30
الادب والفن


ياهو گلّك نسيتك؟!
يا روح البگت يمّك
يوم الودعيتك
صدگني
يوم التفارگنا
ودعت عمري
اومرن ايامي گحط
يلماتدري بيه
اشگد هويتك
يوم يوم
اوساعه ساعه
تذكارك جرح
مايبرى
جني مجروح اليوم
من فاركيتك
ولَك
والله
واعيونك ابد
صدك ما نسيتك
تانيتك عمر
والعمر عدي
بس من أسمعنك
اومرات ! امن اشوفك
بالدرب صدفه
مثل نسمه علبعد
لو مرّيت ..!
اوما إجيت..
ما بطل رفيفه الگلب
وعيوني ماغفن
سهرانه
عيب اتنام
لا چلمه وديت ابعذر
لا وصل منك
سطر بيه عن غيابك
تعتذر
لا بالحلم ولو
منك بدر
يلمدلل سلام !!!

30 ك1 2018







اخر الافلام

.. سيرة حياة الفنان العراقي الكبير ياس خضر


.. كرواتيا: لاجئ سوري يتغلب على عائق اللغة بشغفه بالطباعة


.. معرض الفنون التشكيلية في القاهرة




.. #هوليوود_نيوز - كواليس فيلم Glass من بطولة صامويل إل جاكسون


.. بتحلى الحياة –الممثل محمد إبراهيم