الحوار المتمدن - موبايل
الموقع الرئيسي


تمر الايام - قصيدة الشاعر ناصر البدري

حسون رياض

2019 / 7 / 4
الادب والفن


سكته عله
سكته تمر الأيام
لاتنشره ولا جذب تنسام
تدفـع بـ عمرك دفـع جـدام
حته الحلم مل منك ونام
•
•
فنك تنام
وجفنك ابعيد
وحزنك كسر ضهـر المواليد
أتـريد بس ماتدري شـتريد
صافن وره ضعون الـمواعيد
•
•
صافن وگلبك
ركض مذعـور
ركضـة نفس مابين الگبـور
تشتعل بس تـنشـاف تنـور
تكتل الطيف أرسـمله ناطور
•
•
لاتحسب
ولا تشتري الصيت
ماتضحك أشفاف التـوابيـت
دللـت يامـه ويامـه ربـيت
بس أنـته واسمك تالي ضليت
•
•
ضليت شوغه
بـصدر الغروب
ودمـوعك أمنطيـح حالوب
أحبابك نسـوك وسدو البـوب
ونامـو اگلوب امشابـگه اگلوب
•
•
دير الخمر !!
فوك الصور دير
بلكت تطفيك التصاوير
ليلك أشكبره وحلمك أزغير
ماينصبغ شـيب الطباشيـر

ناصر البدري





التعليق والتصويت على الموضوع في الموقع الرئيسي


اخر الافلام

.. تفاعلكم | 200 فنان يتضامنون لإنقاذ العالم من موسيقى الذكاء ا

.. أبرزهم شقو وعالماشي واحدهم وصل 38 مليون .. 4 أفلام تتنافس ف



.. شبيه عادل ا?مام يظهر فى عزاء الفنانة شيرين سيف النصر


.. وصول نقيب الفنانين أشرف زكي لأداء واجب العزاء في الراحلة شير



.. عزاء الفنانة شيرين سيف النصر تجهيزات واستعدادات استقبال نجوم