الحوار المتمدن - موبايل
الموقع الرئيسي


نص بالعامية العراقية بعنوان : أفقيه

مرتضى محمد
(Murtadha Mohammed)

2019 / 8 / 23
الادب والفن


وقالت : كلمات الدلالة (الانسان/الثابت/ التغيير)
....
(1)

تكدر تتفرهد بالصدفة ؟
وتطلع من فلك الافكار !
الدارت دورته من الأول ،
فكرة : هوه
فكرة : منهو
وفكرة محشايّه من المدري .
تكدر تكتل كل الفكره ..
وتطلع عاري ؟؟
تكدر تتفرزن من ذاتك / انته وذاتك ؟.
تكدر ينطاف بحد بابك ..
طوفة ضحكة ،
وطوفة كلمة ،
وطوفة ود ؟
تكدر تزني بكل الفكرة
ويولد طفلك عاري ، وفاهم ؟
فاهم انه اليكدر لا مو عاهر !
بس عاهر من تطلع فكرة
تدور بدورته من الاول ..
وتندار البيبان مرايه ..
تواري وجوه تحنّت بالدم ،
وظلت بالصدفة مغطايّه . !!

(2)

لازم تفرض ان الأسطُر
ممكن تكتب مرة بشوك
مرة بسيف ،
ومره بوردة ،
ومره بآخر كاس
انحط أكباله وظل يتلولح ..
بين (القوسين) من النومه ! .
لازم تفرض ان (الشدّة) ممكن غلطة ..
ممكن غلطة ..
ممكن غلطة
وغلطة انحطت فوك الاسم الأترف !!
بس يا أترف ؟
كلي بفرضيتك شتخلي ؟
أكبال الاترف !!
تخلي أمرايه ؟
لو سكّان ؟
لو هاجس دوخنه بصيغة ؟ !
كلي شتفرض ؟
هونك ..
هونك ...
طشهن كلهن من أفكارك
خلي الفرضية اللي تعني :
كلنه أكبال الفكرة نباوع ..
أن الاسماء بلا صيغة ؛
انوجدن غاية ! .





التعليق والتصويت على الموضوع في الموقع الرئيسي


اخر الافلام

.. تعاون مثمر بين نقابة الصحفيين و الممثلين بشأن تنظيم العزاءا

.. الفنان أيمن عزب : مشكلتنا مع دخلات مهنة الصحافة ونحارب مجه



.. المخرج المغربي جواد غالب يحارب التطرف في فيلمه- أمل - • فران

.. الفنان أحمد عبدالعزيز يجبر بخاطر شاب ذوى الهمم صاحب واقعة ال



.. غيرته الفكرية عرضته لعقوبات صارمة