الحوار المتمدن
- موبايل
الموقع
الرئيسي
إرسم وطن
عبد المجيد راشد
2006 / 12 / 28الادب والفن
اكتب كتابك و ابتدى
و ارسم وطن
و اعشق حروف الحق لجل ما تهتدى
و اوعاك تخاف م السجن
أو حتى الكفن
الذل أصعب ألف مرة م الكفن
" النديم "
*****
يا نبض القلب المزروع ف ترابك
سقياه بدموعك
حساه بجروحك
مستنيكى
ما فى حاجة ف كل الدنيا تجيكى
الا و أنا مستنيكى
علشان لو جيتى
مش ممكن أبدا نحتاج
و يا مرصوصين على عرفات حجاج
أمتى هنروح القدس نقدس
" صلاح الدين "
*****
صهد النيران ف القلب مستنى الخروج
و الليلة موعودة
و الحق له عودة
يا نبض قلب الجبل
ازرع غيطان الروح
و ارويها دمع البوح
يا نبض قلب الجبل
لسه الحمام مجروح
و الجرح ما له شروح
غير حس من جوه
يا صهد قلبى الحزين
ألاقى فين قوة
يتهز ليها الجبين
و تعدل الموازين
و تغير الأحوال
" الناصر جمال "
*****
صوتنا الحزين
مليان جراح
و كأننا نسينا الرياح
فيا كتاب التاريخ سجل
ولاد بكرة اللى جاى محمول على الأرواح
شايلين " أمل "
" أطفال الحجارة "
عبد المجيد راشد
سلامون القماش
مارس 1992
[email protected]
http://abdelmageedrashed.ektob.com
http://www.maktoobblog.com/rashd_karama
http://www.rezgar.com/m.asp?i=1487
|
التعليق والتصويت على الموضوع في الموقع الرئيسي
.. كل يوم - الناقد الفني طارق الشناوي يحلل مسلسلات ونجوم رمضان
.. كل يوم - طارق الشناوي: أحمد مكي من أكثر الممثلين ثقافة ونجاح
.. كل يوم - الناقد طارق الشناوي لـ خالد أبو بكر: مسلسل إمبراطور
.. كل يوم - الناقد طارق الشناوي: أحمد العوضي كان داخل تحدي وأثب
.. كل يوم - الناقد طارق الشناوي : جودر مسلسل عجبني جدًا وكنت بق