الحوار المتمدن - موبايل
الموقع الرئيسي


أنضم معانا لجروب : لا للتجنيد الاجبارى

مايكل نبيل سند

2009 / 4 / 11
حقوق الانسان


أذا كنت طالب جامعى ، أو حتى ثانوى ، و عارف أنك هاتتخرج بعد كام سنة و هاتدخل الجيش ، و نفسك القانون دة يتلغى قبل ما تتخرج علشان ماتخسرش سنين من عمرك

أذا كنت شاب مصرى فقدت سنة أو أكتر من عمرك فى الجيش غصب عنك

و أذا كنت أنسان أتعرض للمهانة و الذل جوا معسكرات الجيش المصرية

أذا كنت أنسان حر ، أجبرت أنك تشتغل فى الجيش بمرتبات هزيلة ، و تاكل أكل مش نضيف ، و تنام فى أماكن مش نضيفة .... كل دة غصب عندك ، و من غير ما تكون فية حالة حرب تستدعى أنك تقدم التضحية دى علشان بلدك

و أذا كنت أب أو أم أتحرم من أبنة لسنة أو أكتر بسبب القانون دة

و أذا كنت طالب جامعة مش عارف تسافر برا بسبب قوانين التجنيد اللى بتمنعك من السفر و أنت فى سنوات الكلية النهائية

أذا كنت مسافر برا مصر ، و خايف ترجع بلدك ، علشان عارف انهم مش هيسفروك تانى و يجبروك أنك تدخل الجيش

و أذا كنتى زوجة ، مضطرة تبعدى عن جوزك ، لأنهم أستدعوة فى الجيش و قرروا يحرموكى منة

أذا كنت شاب ، و خلصت جيشك ، لكنك مش عايز تفضل مربوط بالمؤسسة العسكرية ، و مش عايزهم يستدعوك فى أى لحظة للتجنيد الأحتياطى

و أذا كنت شاب عندك شغل و عندك مشروع ، و مش عارف أزاى هتسيب شغلك يضيع علشان تروح الجيش

و أذا كنت ناشط حقوقى ، مهتم بإلغاء كل أنواع التمييز بين المواطنين ، سواء كانت بسبب الجنس ، او بسبب جنس الأخوة أو سن الأب

و أذا كنت ناشط سياسى ، ممنوع من ممارسة حقوقك السياسية بسبب مشكلة فى خدمتك العسكرية

أذا كنت أب أو أم ، و ليك أبن مات فى الحرب ، و نفسك يتلغى النظام اللى بيتحكم فى حياة الناس غصب عنهم

أذا كنت أى حاجة من دول ، فضرورى تنضم للجروب دة
http://www.facebook.com/group.php?gid=88554461720

الأحداث السياسية اللى حصلت فى السنين الأخيرة أثبتت أن مفيش مستحيل ، و أننا نقدر نضغط على الحكومة علشان نعمل أى حاجة

أذا أنضميت للجروب دة مش هاتخسر حاجة .... بس شوف هاتستفيد أد أية لو الجروب دة نجح

أحنا ناس بنحب بلدنا ، و مش هانسمح لحد يشكك فى وطنيتنا
أحنا مستعدين نضحى بحياتنا علشان خاطر مصر ، لو فية حالة حرب تستدعى أننا ندخل الجيش
لكن طالما مصر محاربتش من أكتر من 35 سنة ، و طالما جيشنا عددة أكتر من مليون جندى .... يبقى أية المبرر لوجود تجنيد أجبارى ؟


http://ra-shere.blogspot.com/2009/04/blog-post_10.html





التعليق والتصويت على الموضوع في الموقع الرئيسي


التعليقات

1 - علشان خاطر مصر
john angel ( 2009 / 4 / 11 - 02:15 )
عزيزي مايكل
أول حاجة أسمك عزيز علئ لانه اسم أبني .كل اللي أنا عاوز أقوله ربنا يحميك لشبابك احنا عاوزين شباب زيك علشان نرجع مصر زي ماكانت زمان ربنا يوفقق

2 - لماذا جيش لمصر أصلا
النيل - حابي ( 2009 / 4 / 11 - 02:24 )
هي مصر تحتاج لجيش لاي سبب ؟؟؟
معاهدة سلام منذ 30 سنة . مع الجهة الوحيدة التي يمكن ان تحارب مصر - اسرائيل
والجيوش لحماية أوطانهم . ولكن جيش مصر لا يعمل الا لحماية الحاكم العسكري واللصوص الذين حوله . أعوانه
الجيش المقروض لدفع عدوان من الخارج .
والعدوان علي مصر وشعبها لا ياتي من الخارج وانما من الداخل
يعني هكذا وجود جيش بهذا العدد الضخم هو عبء علي مصر وعلي اقتصادها وخراب وعذاب لابناء شعبها . يذوقون الذل والبؤس في التجنيد بذاك الجيش
المفروض الا يكون التجنيد اجباري بل اختياري ويكون مدفوع الاجر . ولعدد محدود . وليس كل ذاك الحجم الذي لا لزوم له . .

اخر الافلام

.. طلاب الجامعة الأمريكية في القاهرة يتظاهرون بأسلوبهم لدعم غزة

.. إعلام فرنسي: اعتقال مقتحم القنصلية الإيرانية في باريس




.. إعلام فرنسي: اعتقال الرجل المتحصن داخل القنصلية الإيرانية في

.. فيتو أميركي ضد مشروع قرار منح دولة فلسطين العضوية الكاملة في



.. بن غفير: عقوبة الإعدام للمخربين هي الحل الأمثل لمشكلة اكتظاظ