الحوار المتمدن - موبايل
الموقع الرئيسي


البيشكليطا أو الدراجة

هشام اعبابو

2009 / 9 / 30
الادب والفن



حجيتك ما جيتك على واحد لوليد صغير سميتو كريم, فعمرو تمسنين, واحد نهار عطاتو ماماه 50 درهم وطلبات منو يمشي عند الميكانيسيان يخلصو و يخد البشكليطا ديالو اللي صوبها ليه الميكانيسيان
خدا كريم لفلوس من عند ماماه و مشا يقضي السخرة اللي طلبتها منو, مشا كريم عند الميكانيسيان قال ليه قالت ليك ماما عطيني البيشكليطا ديالي و عطاه لفلوس,الميكانيسيان شاف 50 درهم و هو يقول لو لا ولدي معنديش الصرف,سير عند مول الصكا يصرف لك لفلوس
مشا كريم عند مول الصاكا و طلب منو يصرف ليه 50 درهم,عند مول الصاكا كان واحد الراجل تيشري شي حاجة , صرف مول الصاكا لفلوس لكريم و خرج كريم من الصكا, يالله خرج و هو يجي عندو داك الراجل اللي كان فصاكا و قالو أجي اولدي نقول لك حضي راسك أولدي راه إلى شافك شي شفار راه غادي يشفر لك فلوسك,أرى نديرهم لك فهاد لوريقا باش ما يشوفهم و ما يدهم لك حتى واحد راه بنادم خايب أولدي و الوقت خيابت..
دار كريم الثقة فالراجل و عطاه لفلوس باش يدرهم ليه فورقة بحال اللي قال ليه,لو الرجل لفلوس ديال كريم فالورقة و عطاه لفلوس ملويين فالورقة,شكر كريم الراجل و مشا عند الميكانيسيان باش يخلصو و يعطيه البشكليطا ديالو
منين وصل كريم عند الميكانيسيان جبد الورقة و هو فرحان و بدا تحلها باش يجبد منها لفلوس,منين حل الورقة لقاها خاوية و ما فيها فلوس,تعجب كريم و قال للميكانيسيان و الله حتى كانو فيها لفلوس دارهم لي واحد الراجل باش ما يشفرهم لي حتى واحد,قال ليه الميكانيسيان إوا أوليدي داروها بيك لقوام هداك راه شفار أولدي شافك دري صغير و دارها بيك المرة المجيا حضي راسك ..
رجع كريم لدارهم بلا فلوس و بلا بيشكليطا و هو تيبكي و مخلوع و هو تيقول مع راسو أش غادي نقول لماما؟
دخل لدار سولتو ماماه كريم فين البيشكليطا ؟ عاود لها لقصة و كلا طرح ديال لعصا و بقا بلا بيشكليطا عقوبة على ما جرا ليه لأن ماماه كانت دائما تتنصحو ما يهدرش مع الناس اللي ما تعرفش, و من داك نهار تعلم كريم يحضي راسو و ما يديرش الثقة فناس اللي ما تعرفش و تعلم حاجة أخرى مهمة و هي غسمع كلام باباه و ماماه حيث هما اللي تعرفو مصلحتو.





التعليق والتصويت على الموضوع في الموقع الرئيسي


اخر الافلام

.. الاخوة الغيلان في ضيافة برنامج كافيه شو بمناسبة جولتهم الفني

.. مهندس معماري واستاذ مادة الفيزياء يحترف الغناء




.. صباح العربية | منها اللغة العربية.. تعرف على أصعب اللغات في


.. كل يوم - لقاء في الفن والثقافة والمجتمع مع الكاتب والمنتج د/



.. الفنان أحمد سلامة: الفنان أشرف عبد الغفور لم يرحل ولكنه باقي