الحوار المتمدن - موبايل
الموقع الرئيسي


قصاقيص، إتجننت فى سجن المرج – 3

مايكل نبيل سند

2011 / 7 / 4
حملات سياسية , حملات للدفاع عن حقوق الانسان والحرية لمعتقلي الرأي والضمير


- فى أذنى سماعات الإم پى ثرى، أرقص على أنغام محمد منير وهو يصرخ: طفى النور يا بهية... كل العسكر حرامية. 24/5/2011
- منذ عام، كنت قد بدأت فى مشروع لتحويل مكتبتى الورقية (3000 كتاب) لمكتبة إلكترونية... إلا أنى رفضت التخلص من النسخ الورقية من الكتب التى تم الانتهاء من تحويلها لنسخ إلكترونية... كنت أشعر أنى سأدخل السجن يوما، وسأحتاج للنسخ الورقية. 25/5/2011
- وحشتنى إسكندرية وكورنيشها... وحشتنى بارات القاهرة وقعداتها... وحشنى الفيسبوك ومدونتى وتويتر... وحشنى اصحابى الأجانب والرغى معاهم بالساعات... واصحابى المصريين والصعلكة معاهم على البورصة وغيرها من قهاوى القاهرة، ومؤتمراتنا سوا ضد الظلم والقهر والطغيان... أنا عايش مستنى يوم الحرية. 26/5/2011
- حاسس بإحراج كبير ناحية الاوروپيين... بيبذلوا جهود كبيرة علشان الإفراج عنى، ومع ذلك مش لاقى كلام أكتبهولهم... علاقتى بالاوروپيين زى علاقتى بأخويا كده، كل ما أطلع من حبسة أشكر الناس كلها إلا هو، بعتبر إنى وأخويا واحد، وطبيعى إنه يدافع عنى... بالنسبالى، أندرياس وجيرد وچيرى ونيكلاس وجيرونت وپيتر وغيرهم من أصدقائى الاوروپيين، كأنهم اخواتى، معنديش كلام كتير ليهم، لكنى مستنى خروجى علشان أرجع تانى وسطهم. 26/5/2011
- المدونين الأندال عملو يوم وطنى لنقد المجلس العسكرى من غير ما يقولولى... من ورايا يا خونة؟ عليكم اللحمة 26/5/2011
- أيها الطاغية المستبد، ابنى فى السجون والمعتقلات كما تشاء، فأنت فى الحقيقة تبنيها لنفسك ولزباينتك. 27/5/2011
- النهارده بس عرفت إن مارتن لوثر كينج إتسجن بسبب نضاله، وإنه كتب حاجات من جوا السجن... أنا مش أحسن منه، كان ضرورى أدفع أنا كمان تمن الحرية زيه. 27/5/2011
- النهارده قدرت أكتب أول جملة ليا بالألمانى... أنا سعيد. 28/5/2011
- بابا بيقولى إن فيه جريدة صفرا كاتبة تقرير ضدك... أبويا راجل طيب أوى... دى الشئون المعنوية يا عم الجاج. 28/5/2011
- إكتشفت إن إدارة السجن بتحط أدوية فى الأكل تنوم المساجين، وسيادتهم نسيو يقولولى، وأنا جالى هبوط فى الدورة الدموية وكنت هفيص بسببهم... أحا. 29/5/2011
- سمعت صوت ”ليدى جاجا“ فى الراديو... يا جدعان، أنا سعيد. 29/5/2011
- السجن مبيخوفش... السجن صعب بس أول شهر، بعد كده الواحد بيتكيف ويتعايش... متخليهومش يهددوكم بالسجون. 30/5/2011
- الجيش عمال يحاكم المدونين بنفس تهمتى ”الإساءة لسمعة المؤسسة العسكرية“ لكن مسجنش حد منهم... أحا يا جيش، يعنى أنا الحيطة المايلة فى البلد دى؟! 1/6/2011
- كل السياسيين عمالين يتكلموا عن الموازنة وعجز الموازنة والدعم والحد الأدنى للأجور، وإزاى يجيبوا قروض ومنح علشان يسدوا عجز الموازنة... لكن مفيش واحد فيهم عنده الشجاعة إنه يتكلم عن تخفيض نصيب وزارة الدفاع من الموازنة اللى تقريبا 100 مليار جنيه (حوالى 30% من ميزانية الدولة). 3/6/2011
- بحاول أفتكر آخر حوار صحفى عملته قبل القبض عليا... تقريبا كان حوار مع راديو دنماركى... فى آخر الحوار ده طلبوا منى أقول رسالة على الهوا للمخابرات المصرية... أتمنى يكونوا إنبسطوا بيها... هع هع. 3/6/2011





التعليق والتصويت على الموضوع في الموقع الرئيسي


التعليقات

1 - مقالك مرفوض!
محمود محمد ( 2011 / 7 / 4 - 04:48 )
اانتقادك للجيش بهذه الطريقة مرفوض تماما ولا معنى ان تعطى لنفسك الحق ان تسئ الى جيش مصر بهذه الطريقة هذا ليس انتقاد بل تجريح وكمصرى وباسم مصر و الديمقراطية ارفض ان ينشر لك اى مواضيع على موقع الحوار المتمدن الذى يحترم العقل والفكر قبل اى شئ

2 - تعليقك مرفوض
محمد بن عبدالله ( 2011 / 7 / 4 - 15:27 )
يا محمود محمد (وهذا اسم مستعار) :


تعليقك مرفوض مرفوض يا ولدي وطريقك مسدود !

3 - رد مباح
محمود محمد ( 2011 / 7 / 9 - 08:13 )
الى المحترم ( محمد ممدوح) انا لا انادى انا اناقش وانتقض كان حق عليك المناقشة ولكن لخصى عقلك لا تستطيع.
الى المحترم ( محمد بن عبد الله ) اضحكتنى جدا فحكمك الرشيد على اسمى يدل على معنى حياتك فأنا طبيب نفسى وابشرك ان طريقك مسدود واخر حد له هو موضع قدميك

4 - تحيز من الموقع. شكرا جزيلا
محمد ممدوح ( 2011 / 8 / 1 - 02:44 )
أرى أنكم لا تنشروا غير التعليقات المضاده على المقالة ولم تنشروا تعليق لي في الأعلى مع أنه لم يهن أحدا ولم يخرق قوانينكم. هنيئا لكم بالسماح للإقصائيين بالتعليق فقط

اخر الافلام

.. WSJ: لاتوجد مفاوضات بين حماس وإسرائيل في قطر حاليا بسبب غياب

.. إسرائيل تطلب أسلحة مخصصة للحروب البرية وسط حديث عن اقتراب عم



.. مصادر أميركية: هدف الهجوم الإسرائيلي على إيران كان قاعدة عسك

.. الاعتماد على تقنية الذكاء الاصطناعي لبث المنافسات الرياضية




.. قصف إسرائيلي يستهدف منزلا في مخيم البريج وسط قطاع غزة