الحوار المتمدن - موبايل
الموقع الرئيسي


الحج الى واشنطن

سرمد علي الجراح

2011 / 12 / 15
كتابات ساخرة


يدور في رؤوس الدايخين سؤال مهم عن السبب الحقيقي وراء زيارة السيد المالكي لأمريكا؟؟
فالبعض يقول إنه ناذر يزور دزني لاند, ويذبح طلي لميكي ماوس
بينما ذهب مصدر مقرب من حزب الدعوه, إن المالكي أخذ معه جدر قيمه وتمن للبيت الابيض, بمناسبة عاشوراء طلبا للأجر لاغير!!
أما جمعية الحفاظ على التراث, فانهم يؤكدون إن دزني لاند, مذكوره في مقام دزني واعرف مرامي, ولاتمت للزياره بصله. وإنه ذهب مع الريح
واليكم ماجرى في الاجتماع المغلق بين الرئيسين حسب مصدر مامطلع بس يقره الممحي:
المالكي: يمعود فاذر أوف جيلوسي - أبو الغيره - يرحم المِلْك أوف يور ماذر - حليب امك - دخيل جدك أبو عمامه ليش ماتبقّي كم لواء يحرسوني, تره ماكو واحد أكدر أئمن بيه, كلهم علاسه ألله وكيلك.
أوباما: وات إز ألاسه؟
المالكي: علاسه يعني كلرز طال عمرك
أوباما: نو مستر ماك لكي, لاتخاف إذا إنعلست نجيب غيرك!!
المالكي: ولك عمي قابل شفتني إبن عم ماك دونالدز, مالكي عمي مالكي, وشنو تجيبون غيري تره أزعل وأروح على خالي خامنئي
أوباما: يطبك طوب وإذا زعلت؟ العالم كله يعرف إحنه لانخاف ولانستحي, وأكبر شارب مانشتريه بكاله
وبعدين أنتو العراقيين كلكم مو خوش أوادم, فوك ما خلصناكم من أخو هدله, كاد بلس هز إيفل سول, تسبونه وتتحالفون ويه أعدائنه, وياهو اللي نجيبه يطلع ألعن من القبله
المالكي: زين خلي نتفاهم على الأستثمارات الأمريكيه بالعراق, نريد شركات تجي تطلع نفط لأن الحراميه هوايه والميزانيه ماتلحك عليهم
أوباما: مستر ماك لكي, ومنو يحمي هل شركات, بلا حصانه ماكو شركات
المالكي: هاي شلون طركاعه, يمعود شبيك مو كلنه مالكي من غضب الله على راسك. يابه الحصانه ماتقبل بيها إيران متكلي شسوي
وعلى ذكر إيران, تره يسلمون عليك ويكولون بلكي تنطوهم الكتلوك مال الطياره الكمشوها, لأن الحرس الثوري مايندل منين الباب مالتها
أوباما: أوكي الطياره نحسبها بلاش, بس الكتلوك بمليارين, وكلهم تره الطياره دتصورهم ولحد يلعب بيها تره تنفجر
المالكي: ليش ماتبيعلنه هيج طيارات, عفيه الله يخليك, حتى ننقل اللطميات لايف من الجو, واشوف الكتل السياسيه شتسوي
اوباما:, أنتو ماتفيدكم طيارات بلا طيار, بس عدنه عرباين بلا زمايل هاي تفيدكم اكثر
المالكي: وبيش تفيدنه طال عمرك
اوباما: انتو البلد الوحيد بالعالم اللي بي نقص بكلشي عدا الزمايل
المالكي: ويه نفسه, هاي اسرار دوله شلون عرفها هذا؟
المالكي: أبشرك التيار الصدري طرح ميثاق شرف للكتل وره انسحابكم
اوباما: أحلى من الشرف مفيش!!!, ولكم ياشرف, ومنين تجيبون شريف حتى يوقعه
أكلكم: استوردوا من شارع الهرم بمصر راقصات يوقعنه,
حسب تقرير السي آي أي العندي خطيه راح يضلن بلا شغل بعد ما فازوا السفلسيين!!, أول مره اسمع بحزب للسفلس
المالكي: همزين إحنه ماعدنه هل حزب, بس عدنه سيد مقتدى اضبط من الأيدز
اوباما: هذا مستر ماك تدى, إلا نعلسه
المالكي: هلو عيني, مقتدى صار اسكتلندي ويصيحوله ماك تدى, إي حظوظ, والسيد هم يشبه ماركريت تاتشر
اوباما: يله مستر ماك لكي, نطلع نسوي مؤتمر صحفي, بس انته لاتفتح حلكك
المالكي: لا يمعود ما أطلع وياك, أخاف هم تجينه قندره طايره!!





التعليق والتصويت على الموضوع في الموقع الرئيسي


التعليقات

1 - قريبا
مازن فيصل البلداوي ( 2011 / 12 / 15 - 09:48 )
قريبا........قريبا
انتم على موعد مع فلم الأكشن الكبير
ظلمة ودليلهه ضايع
لاتفوتوا فرصة العمر بمشاهدته بالنسخة ذات الأبعاد الثلاثية
بطولة:الكتل المتصارعة
انتاج:أموال السلب والنهب
اخراج:شركة امريكا وأولادها ذ.م.م

نتمنى لكم مشاهدة ممتعة
للحجز والمعلومات:يرجى الاتصال بالهاتف +0000000000000

2 - مسكوف
حمورابي سعيد ( 2011 / 12 / 15 - 10:14 )
خوية سرمد..تره معلومات حزب الدعوة مو صحيحة. الماك لكي اخذ وياه سمج وسماجة حتى يسون سمج مسكوف في القصر الابيض اسوة بعمه المرحوم ابو هذله لما راح لباريس .. وبعدين ماك تدى حرم زيارة دزني لاند لانها تشغل جماعته عن التقوى والصلاة .تحياتي

3 - سرمد الحلو
جاسم الزيرجاوي-مهندس أستشاري ( 2011 / 12 / 15 - 13:56 )
سرمد الحلو
يكولون ماك لكي من راح لامريكا اخذ وياه درزن محابس , حان ضامها , من ايام السيدة زينب
طلع قسم منهن لشيخ اوباما كله هذا المحبس يجيبلك بنات , حتى ما يصير بيك مثل ما صار بكلنتون
منو سمع بالقصة
مدام اوباما
كلتله تروح
لا اضربك بالنعال

4 - شدة ورد
عباس فاضل ( 2011 / 12 / 15 - 16:09 )
بس بشرفكم ياجماعة يعني معقولة يروح رئيس وزراء روسي يخلي شدة ورد عله ضريح الجنود الالمان اللي انقتلوا بروسيا ؟ لو الفيتنامي سيويها ؟ ولك هم زمن ابو المحابس تروح لواشنطن وانته ما جنت تحلم تروح لبيروت ! بالله بشرفك بيا لغة حجيت ويه اوباما ؟ اكيد الماني لان الدكتوراه مالتك حول تطور السبح عبر التأريخ اخذتها من شتوتغارت

5 - احنه اناشد حيل
كعك ابو السمسم ( 2011 / 12 / 20 - 08:37 )
يابه هذه سيد نوري و امثاله من المسعورين مجرد نفوس مريضه مستعده تسوي اي شي و مو بكيفه همه جابو و همه يتحكمون بي و اذكرو شهاده الدكتور جلب او دكتور جلبي على احد قنوات الكوبي بيست و اللي تكول احنه مو بكيفنه كونداليزا تمن جتي و رزلتنه و كالت هذه المدعو ابراهيم الجعفري مريده و رشحو واحد دايح غيره و من عدكم و بيكم .اوكي.و ذوله اللي يطلعون بالتلفزيون يوميه و عدهم مضلمه و ينــــــاشدون هذه نوري اكيد انصابو بمرض العوق الذهني و جاحدين و ناكرين للجميل يعني بشرفكم اجتهم فرصه ذهبيه يموتون بيها بتلث حروب و ما استغلوها و ضلو قشامر مسلوبين الارداه ياهو يجي يهينهم و يضحك عليهم

6 - Greys anatomy
ٍسارة ( 2012 / 1 / 16 - 21:20 )
عزيزي سرمد عندما كنت اقرأ مقالتك الشيقة تذكرت مسلسل امريكي وفيه البطل اسمه ماك دريمي و ماك ستريمي و لكن شتان ما بين الماكين هههه, مقالتك شيقة وبناءة الرجاء اتحافنا بالمزيد,
تحياتي

اخر الافلام

.. بحضور عمرو دياب وعدد من النجوم.. حفل أسطوري لنجل الفنان محمد

.. فنانو مصر يودعون صلاح السعدنى .. وانهيار ابنه




.. تعددت الروايات وتضاربت المعلومات وبقيت أصفهان في الواجهة فما

.. فنان بولندي يعيد تصميم إعلانات لشركات تدعم إسرائيل لنصرة غزة



.. أكشن ولا كوميدي والست النكدية ولا اللي دمها تقيل؟.. ردود غير