الفيسبوك
التويتر
اليوتيوب
الانستغرام
لينكدإن
تيلكرام
بنترست
بودكاست
الحوار المتمدن
- موبايل
الموقع
الرئيسي
إذا جاء نصر الله وخامنئي
سرمد علي الجراح
2012 / 9 / 6كتابات ساخرة
وأخيرا تمكنت وزاره الملابس الداخليه قسم مكافحة الارهاب وبأرشادات سديده من وزيرها بالوكاله, وقائدنا الى الخراب والزباله, السيد رئيس وزراء المحراب, والداعي الى دولمة القانون والكباب, تمكنت من تحديد أوكار الارهاب, التي ضربت أنحاء البلد المبتلى, بحثالة البشر وسقط المتاع من أولي الامر منا
فبعد أن حددت أماكنهم بدقه نتيجة الجهود الاستخباراتيه الهائله لدجاج المرجعيه بالفسنجون والجوز
وباستخدام الاقمار الصناعيه ماركة سيد سات, والتأكد من أن يتم ضبط الارهابين بالجرم المشهود, وهم بكامل عدة التفخيخ من لبلبي وحامض وجاجيك, ويحملون كواتم الصوت والمتفجرات من بيره وعرق وويسكي إمبريالي,
فصدرت الاوامر لفوج طوارئ بغداد, من قوات مكافحة الطماطه الخايسه, لمداهمة أوكار الارهاب والقضاء على دابره
وفعلا تمت بعونه تعالى وبمباركة مراجع قم العظام وبنجاح ساحق, القيام بغزوه ايمانيه وتوجيه ضر..طه قاصمه للبيك ومايحتسون والخس وما يمزمزون
وبذلك سينام المواطن الاثول مطمئنا تحت هواء المكيف توشيبا, الذي يعمل على طاقه الكذب الصادره من برلمان الخيبه والخسران
فهذا المواطن منذ أن أجر عقله واشترى بثمنه حلاوه دهينيه, أصبح لايرى ولايسمع ولايفهم مايقوله هؤلاء السياسيون
والحقيقه فأنا أيضا من ضمن هذا الجمهور الاطرش بالزفه
الذي أريد أفتهمه هو: اعرف الشرب بدينكم حرام لكن السرقه حلال
بس معليّه بدينكم, أريد اعرف بالقانون الموجود, الخمر مسموح لو ممنوع ؟؟
إي ياعني إذا مسموح ليش هل هوسه, شو البلد بديكم, سووا القانون اللي يمشي وياكم ويناسبكم
وكولوا ممنوع الشرب ومسموح السرقه, حتى نطبق الشريعه الاسلاميه السمحاء.
فليش هل مستحى, وعلى كولة الايه الكريمه, إن الله لايستحي أن يضرب مثلا ما بعوضة, وإنتو تشبهون البعوضه
بس الفرق بينكم وبين البعوضه إنكم ماتشبعون من مص الدماء
هذا دينكم صار ماينفع لأن إذا أخلاقكم من أخلاق هل دين فخوش دجاجه وخوش طين
لذلك راح نسوي دين جديد. وأول آيه تنزل بيه تكول: إذا جاء نصر الله وخامنئي, ورأيت الناس يكفرون بدين الله أفواجا, فسبح بسبحة المالكي واستظرطه, انه كان كذابا
صدق مردوخ العظيم
كاتب الوارده والصادره للوحي
سرمد الجراح
|
|
التعليق والتصويت على الموضوع في الموقع الرئيسي
التعليقات
1 - الغزوة الظافرة-1
جاسم الزيرجاوي-مهندس أستشاري
(
2012 / 9 / 6 - 12:33
)
تحياتي سرمد الورد:
بغداد: انشغلت الأوساط الثقافية والشعبية منذ صباح يوم الأربعاء الباكر05-09-12 بالأخبار التي حملت الاعلان عن مداهمات تمت ليلا للنوادي الاجتماعية والحانات ومحال بيع الخمور وتم تحطيمها وإغلاقها بالقوة، كما تعرض عدد من مرتاديها للضرب، فيما كشفت لجنة الأوقاف والشؤون الدينية البرلمانية، في اليوم ذاته، عن مقترح قانون لمكافحة الخمور، مؤكدة أنها ستستضيف الوزارات المعنية لصياغته، في حين دعا شباب إلى وقفة يوم الجمعة المقبل في ساحة التحرير وسط بغداد، للتعبير عن مطالبهم باحترام الحريات، واستنكارهم للهجومات غير المبررة على النوادي الاجتماعية.
عبر العديد من المثقفين العراقيين عن سخريتهم وتنديدهم بالاجراءات التي اتخذت ضد النوادي الاجتماعية والحانات ومحال بيع المشروبات الروحية، مطلقين وصف (غزوة الثلاثاء الظافرة) على تلك الاقتحامات، مشيرين إلى ان هذه الاجراءات تعسفية وغير صحيحة، لأن الدستور العراقي كفل الحريات الشخصية، ولم يسمح بالاعتداء على أي إنسان لاي سبب كان، اذ ان القضية ليست قضية حانات او خمور بل هي قضية إهانة للدستور العراقي ومن صوّت عليه.
2 - الغزوة الظافرة-2
جاسم الزيرجاوي-مهندس أستشاري
(
2012 / 9 / 6 - 12:36
)
وذكرت مصادر أن لواء بغداد التابع لمجلس الوزراء هو من أغلق النوادي الليلية ومحال بيع المشروبات الروحية في منطقة الكرادة وشارع ابو نؤاس، وحي الوزيرية. وان اللواء الذي قام بعملية الغلق هو تابع لرئاسة الوزراء وهي المرة الاولى التي ينفذ بها مثل هكذا واجبات لانه مختص بملاحقة العناصر المسلحة فقط ويتخذ من المنطقة الخضراء مقرا له.
فيما قال الكاتب محمد غازي الأخرس ساخطا: -شوفوا المفاجآة، لأول مرة في العراق تقدر تعرف من الأخطر، الكاتم أم بطل البيرة، طلع بطل البيرة أخطر كثيرا من المسدس الكاتم. ولهذا السبب هجم الجماعة على البارات ..-
http://www.elaph.com/Web/news/2012/9/759805.html?entry=Iraq
3 - لو عرف السبب
يونس حنون
(
2012 / 9 / 6 - 16:09
)
عيوني ابو السرامد
لو تعرف عنوانك شكد صحيح
فعلا لقد جاءنا خامنئي مرزلا لان الترياك الايراني لا يباع في العراق كما تمنوا بل ظل نايم على كلوبهم
فقيل له العراقيون يشربون العرق والبيرة وليس لهم شغل بترياكك
فثار وازبد ثم اوعز الى كلابه الجرباء في الحكومة واحزابها الوسخة ان ترسل سحاليها لمحاربة اعداء الوطن من اللبلبي والجاجيك
مايثير الاستغراب هذه الحكومة التي غسلت وجهها بالبول علنا
نحن نعلم انكم فروخ المرشد الاعمى بس لاتسووها هيجي علني ... يعني اذا بليتم فاستتروا شوية
ورحم الله العراق واسكنه فسيح جناته
4 - آفات المنطقة
محمد البدري
(
2012 / 9 / 6 - 16:53
)
السنة والشيعة كلاهما يخربان المنطقة بينما المنطقة كلها لا ذنب لها فيما شجر بي قطاع الطرق من قريش. تحية لك أخي سرمد العزيز
5 - مبدع كعادتك
Aghsan Mostafa
(
2012 / 9 / 6 - 17:47
)
شكرا للصديق الجارح سرمدنا الجراح الورد
أمتعتني بحق!ـ لك قدرة بلاغية عظيمة ياسرمدنا الورد، يالخيالك الخصب!!!؟، هذا بسبب مشاهدتك لحقول الورود بهولندا التي تزدهي بألوانها المتعددة
أشكرك على النص الذي فسره لنا السيد جاسم الزيرجاوي (المرجع!) وبالمرة القادمة أذكرك ان تكتب عن الزردة وكبة القيسي، ولاتنسى الهريسة والمهروسين!
تحياتي لك وللدكتور يونس والسيد البدري
واللهم يقوي أيمانكم والجميع من نصر الى نصر مبين!، حتى أشوفه وأتحسسه (من فعل تحسس يحسس أحسسا!!) بعقلي قبل عيني!؟
أقصد الكلمات المتعارف عليها مثلا: الديمقراطية، حقوق الأنسان، الحرية وكذلك الأيمان بدولة علمانية يعني الي يريد يصلي يروح يصلي وعلى راحته بس بالبيت والجامع، والي يريد يروح يشرب هم يروح يشرب وهم على راحته وهم بالبيت لو بالنوادي، وحتى الي يريد يجمع الأثنين !!!، وماله؟؟؟ على راحته! وكل لشة تتعلق من كراعينها
لأنه اني اتذكر، هيجي تكول سنة المرجعية العراقية أيام الطفولة السعيدة
بس ما اعرف وشلون خالفناها؟؟؟ اي والله حرام!
تقديري وأحترامي ومن ابداع الى ابداع بس لايكولون عليك صاحب بدعة!!!؟
6 - خمور ومزة الغلمان
نور ساطع
(
2012 / 9 / 7 - 08:02
)
عزيزي سرمد
هل تعلم لماذا فعلوا هذه الضجة؟
حتى الشعب يصبح عطشان لخمور الجنة ومزة الغلمان!
تحياتي لك والى جميع الطيبين
**************************************************************************
7 - انيالهم
نيبيرو
(
2012 / 9 / 7 - 16:01
)
تذكرون قبل مده سالفه الايمو و كم ابن مكروده ممات بمفخخه او انفجار او الاستاذ كاتم انقتل هيج و تهمته مطول شعره او شاذ ولان اني اذكر جنت انتقد هذه ابو الغاز ليفوت من دربونتنه و مسوي تسريحه تخرع البزازين و تلعب ستين نفس و هو مجلح و اجرب و وجه يرادله كماط ابحده لان مترهل و متخدش و مطبر و كلت حيل خلي يزينون !!!بعدين انتبهت وكلت بله اني شنو من بشر حته اكول هيج ليش هو هذا الله مو كال ولا تقتلو النفس التي حرم ...وشنو اللي سوا حته يقتلو بهيج طريقه بشعه,المهم اكيد بعد هاي الحادثه مال النوادي اكو هوايه ناس كالت اي حيل حرام و يستاهلون وهسه طخت عدي...هسه عرفت ليش الالهه و الله و مخلوقاته و الهوه ضدنه..احنه يا جماعه بالعراق سوينه الله عاطل عن العمل...اي عاطل عن العمل...لان احنه يوميه دنقوم بواجبه و نحلل و نحرم و نؤيد و نرجم و نلعن و نعذب ونهدم و نقتل يعني الحكومه دتقوم بدور الله ف شكو بيهه .و اني من رخصتكم عدي راي مخالف و لتزعلون مني لان اني هسه مرتاح !!تدرون ليش ؟؟ لان ذوله اهل البارات و النوادي انيالهم منقتلو بالكواتم او اتفخخت محلاتهم او صار انفجار ضخم راح بي 150واحد و بدت عمليات تصفيتهم..
8 - ردود الاصدقاء
سرمد الجراح
(
2012 / 9 / 7 - 21:25
)
الصديق العزيز جاسم الزيرجاوي, شكرا جزيلا لتوضيحك المقصود من المقال. أما ماقاله الكاتب أحمد الاخرس من ان بطل البيره اخطر من المسدس الكاتم. ففي واقعه حقيقيه وعليها شهود من محافظة الديوانيه, فأن محافها من حزب الدعوه وفي احد اجتماعاته بقوات الامن صرح بأن دخول مائه مفخخه للمحافظه أهون عليه من دخول بطل بيره!! لأن ميريد يغضب رب العالمين الفاتح بار وكلجيه بالجنه
دكتورنا العزيز يونس, اللي يقهر انو مامخلين شي بالبلد بيه طعم الحياة , ولاحكين الناس على ساعة راحه يكعدوها يتونسون بيها. طبعا مثل ماتفضلت لا هامهم دين ولا تقوى مجرد خباثه واسعراض عضلات مال سرسريه
الاخ الحبيب محمد البدري, لقد خربوا بلداننا وقضوا على حضارات عمرها الاف السنين وابدلوها بقصص واخلاق البدو الاجلاف
تحياتي لكل الاحبه
9 - ردود الاصدقاء
سرمد الجراح
(
2012 / 9 / 7 - 21:43
)
الصديقه اللدوده العزيزه أغصان, شكرا جزيلا لأطرائك والحقيقه ربما يكون لجمال هولنده تأثير على سعة الافق, ولكني اعتقد ان للحب تأثير اكبر واعمق واوسع في صياغة نفس الانسان وضميره وادراكه
أقصد حب الكبه القيسي اللي خليتي لعابي يسيل عليها. دا امزح تره
نرجع للموضوع, هاي الكلمات المتعارف عليها اللي ذكرتيها, هيه اللي ترعب الطغاة, لأن تنطي مساحة الحريه للناس, وماتسمحلهم باسعبادهم
تحياتي
الاخ العزيز نور ساطع, شكرا لمرورك, وانا أؤيدك تماما لأنهم لايريدون احد ان يتمتع بالدنيا غيرهم, وعلى قولة أخوننا المصريين ابقى قابلني بيوم القيامه
تحياتي
الاخ العزيز نيبيرو, نعم نحن اصبحنا وكلاء عن الله, والادهي ان رجل الدين عندما يمسك المايكرفون يصبح الناطق الرسمي والوحيد باسم الله. وماشاء الله الاغبياء حاشاكم كلش هوايه. واللي يريدون يموتون ويرحون للجنه هوايه. واحنه واكعين بالنص. بس احسن خبر اجه من الاخره انو الحوريات خلصن وكلمن يدبر امره بأيده
تحياتي
.. الفنان الجزائري محمد بورويسة يعرض أعماله في قصر طوكيو بباريس
.. الاخوة الغيلان في ضيافة برنامج كافيه شو بمناسبة جولتهم الفني
.. مهندس معماري واستاذ مادة الفيزياء يحترف الغناء
.. صباح العربية | منها اللغة العربية.. تعرف على أصعب اللغات في
.. كل يوم - لقاء في الفن والثقافة والمجتمع مع الكاتب والمنتج د/
