الحوار المتمدن - موبايل
الموقع الرئيسي


الطحال المفترس

سرمد علي الجراح

2013 / 1 / 31
كتابات ساخرة


عندما يفجر الأرهابي نفسه, مو حتى يصلح الكون أو يقوم بتغيير الواقع, أو ينقذ الفقراء والجياع
همّه الوحيد يريد يصير عضو تناسلي بالجنه
منطق في منتهى الأنانيه والغباء والحقاره
هنالك منطق سلبي آخر يعيشه العراقيون بدون وعي منهم, لأن جماعتنه محششين بدون مايدرون
العراقي علموه اهل العمايم, بأنك لازم تعيش مظلوم وفقير ومشعولين اجداد اجدادك, لأن إذا صار براسك خير ونظفت وتعلمت راح تتبطر وتريد أكثر!! وراح تخلي نسوان بيتك دايحات, وتكوم تشرب عرك وتريد تسافر لأوربا, ومو بعيد تكوم تسمع اغاني وتركص!!
مختصر مفيد تصير كافر وسرسري وتروح للنار, فأبقه فگر ومظلوم ومسحتل ووسخ وتمشي يوميه لكربلاء. وعلينه نوكلك قيمه وتمن. وانچب واسكت.
ثم احنه حاجزيلك بالجنه وننطيك گرنتي تكعد هناك تاكل وتشرب وتركب بلاش, بعد شتريد هيْ ابن الطحال!!
على ذكر الطحال احطلكم هذا الفديو تشوفون نموذج من ابناء العراق, ممن زقوا العلم زقا!! وأحبوا الحشيش عشقا!!
وكيف يجيبون على سؤال يصلح لطالب متوسطه!!
حتى إني حزنت على نفسي لأني أضعت العمر هدرا, ولم أتعلم من هؤلاء القوم دررا
اللي اكتشفته بعد ان شاهدت الفديو, إننا أعجب بلد في العالم, فنحن البلد الوحيد الذي لديه مؤسسات تعمل ليل نهار لأنتاج حمير ناطقه!!
من خطباء الجوامع والحسينيات, الى القنوات الفضائيه إلى مؤسسات الدوله التي تدجّن الانسان وتسلب كرامته لتحوله الى حيوان أليف ومطيع!!
واعجب مافي بلدنا حكومه كلها تحكم وكلها معارضه!! وكلها ماراضيه على الفساد وزعلانه, من رئيس الوزراء الى منظف الخلاء!!
منو الفاسد ومنو الطائفي ومنو الارهابي محد يدري؟؟
آني أكلكم منو!! الشعب فاسد لأن سامح للسرسريه والفاسدين يحكموه
والشعب طائفي لأن سامح للطائفيين يحجون
والشعب ارهابي لأن سامح للأرهابيين يكصبوه
والشعب هو كل فرد وكل السان وكل عين واذن
شوفوا الفديو واضحكوا على نفسكم!!
http://www.youtube.com/watch?v=L0dx25-OQeU





التعليق والتصويت على الموضوع في الموقع الرئيسي


التعليقات

1 - جيب بطن واضحك
عباس فاضل ( 2013 / 1 / 31 - 14:49 )
اخي ليش متعجب ؟ هو السياسيين مالتنه من يطلعون بالتلفزيون يحجون احسن من ذوله؟ زين دشوف هذا الفيديو لرائد الفضاء الحوزوي وانتبه للمشجعين شلون يبدون يلطمون ويصيحون الله واكبر . هو هيجي شعب يستاهل احسن من هيجي حكومة

http://youtu.be/pSMB7oPf9ng

2 - اخ لوجرى الاستطلاع مع البرلمانيين
كنعان شـــــــــماس ( 2013 / 1 / 31 - 15:14 )
كم اشتقنا الى قلم سرمد الجراح الذي يقص ويجرح الغبـــــاء غباء اولاد الطحـــال الذين قرفنــا من بربراتهم كانهم خنازيــــــر لاتستحي ... يقال ان الكثير من برلمانيينا لايعرفون استعمال الهانــدي والاغرب عندما يسحق قطار او همـــر احدهم يعين الرهــــط او الحزب الذي ينتمي اليه بديلا عنــه فيظهر في الفضائيات ويبربـــــر ويقول انا منتخب من الشعب فشد خليلها وتطيب غير الطحال المفترس تحية واضحكتنا في هذا الماتم ايها العزيز سرمد على الجراح

3 - ردود الاصدقاء
سرمد الجراح ( 2013 / 1 / 31 - 19:46 )
الاخ الكريم عباس, السياسي بالعراق مو شغله يحجي, شغله ينام. تحياتي وشكرا لمرورك
الاخ الكريم كنعان, حقه يكول منتخب من الشعب!! يحجي صدك, ولو من يكولها اني من يمي اختل جوه القنفه من المستحه!! بس هاي الحقيقه رضينا بيها لو مارضينا يطبنا طحال!! تحياتي وشكرا لمرورك

اخر الافلام

.. كل الزوايا - -شرق 12- فيلم مصري يشارك في مسابقة أسبوع المخرج

.. الفيلم اللبنانى المصرى أرزة يشارك فى مهرجان ترايبيكا السينما



.. حلقة #زمن لهذا الأسبوع مليئة بالحكايات والمواضيع المهمة مع ا

.. الذكاء الاصطناعي يهدد صناعة السينما




.. الفنانة السودانية هند الطاهر: -قلبي مع كل أم سودانية وطفل في