الحوار المتمدن - موبايل
الموقع الرئيسي


مراجع العراق مطالبين بالضغط على إيران

سرمد علي الجراح

2013 / 2 / 19
كتابات ساخرة


أن يتم القاء القبض على المفكر العراقي أحمد القبانجي, بهذه الطريقه البوليسيه وبدون اشاره الى الاسباب أو الدواعي, ومن قبل مخابرات دوله أجنبيه, طبعا ليست أجنبيه وإنما الدوله الأم بالنسبه للمجلس الأعلى ومنظمة بدر.
أن يتم إلقاء القبض عليه بهذه الصوره, يستدعي تدخل الحكومه العراقيه رسميا, فاذا لم تستطع فتتدلل!! فأن لم تستطع فتتوسل, وذلك اضعف الايمان. هذا إذا أكو حكومه!!
وبما إني قد غسلت إيدي بألف قالب صابون من حكومتنا, لأن حتى لو يروح رئيس الوزراء بجلالة قدره, راح يكعد على باب قاسمي اسبوع, وبعدين يدزله الفراش يكله إرجع لطويريج حباب.
لذلك أعتقد أن علينا أن نطالب الجهه الوحيده التي يحسب لها حساب في إيران, وهم مراجع النجف.
علينا أن نطالبهم أن يصدروا بيان استنكار والضغط على إيران لأطلاق سراح القبانجي
ولو ابن عمهم خامنئي مايشتري أكبر راس بيهم بكشر بصل, بس حتى على الأقل نحاول, وعلى الأقل نشوف المراجع العظام يهمهم مواطن عراقي لو تهمهم إيران
وحتى نشوف اللي يختلف وياهم فكريا, بعده كافر وشيوعي حتى لو لابس عمامه؟؟
وأخيرا حتى نشوف ونفرح ونهلهل, أخذنا استقلالنا من إيران, لو صرنا ولاية فقيه رسمي!!





التعليق والتصويت على الموضوع في الموقع الرئيسي


التعليقات

1 - اکبر واجل
البغدادي ( 2013 / 2 / 19 - 14:34 )
المراجع العظام اکبر واجل من ان يدافعوا عن هذا الرجل المشبوه الذي يقول انا لا اؤمن بالامام علي عليه السلام

2 - تعقيب
سرمد الجراح ( 2013 / 2 / 19 - 17:07 )
الاستاذ البغدادي المحترم, بس ردت اعرف منك يا امام علي؟ قصدك هذا اللي كان خليفه ويخصف نعله بأيده؟؟ وعمار الحكيم والمالكي يعترفون بي ومن شيعته؟؟ جا شجاهم غلبوا شيعة معاويه بالبوك والنهب؟؟

3 - ماقل ودل .. بين العقل والجهل ؟لمن يله ضمير
س . السندي ( 2013 / 2 / 19 - 19:45 )
صيبة البعض ليس فقط الجهل بل تحجر العقل ؟

4 - ماقل ودل .. لمن يدعي الحرية والعقل ؟
س . السندي ( 2013 / 2 / 19 - 19:54 )
بداية تحياتي لك ياعزيزي سرمد وتعليقي ؟

1: إن مصيبة البعض ليس فقط الجهل ، بل موت الضمير وتحجر العقل ؟

2: مانقوله ليس دفاعا عن الرجل ، بل دفاعا عن حريته في التعبير والنشر مادام سلاحه القلم وليس السيف والغدر ؟

3: للأخ البغدادي المحترم ، هل تعني أن كل من لايؤمن بالإمام على دجال ، أي منطق هذا وهل القناعات بالعافية ، هذه هى كارثة ألإسلام والمسلمين وهو النقل فوق المنطق والعقل ؟

5 - تره مشكله هاي
نيبيرو ( 2013 / 2 / 19 - 20:57 )
الامام علي جان كاتله الفكر لدرجه انو راد يزوج بنت النبي ف كله يا رسول الله ما عندي بس حصيره اكعد عليهه و قربه(تنكّه)اشرب ماي منها و درعي اقاتل بي فكله جيبلي درعك مهر لبنتي ...يعني ناس كاتله الفكر و زاهده و كلنا نحبهم و نحترمهم و نقدس تضحياتهم و كلنه منوصل لشعرايه من جلدهم و الهم مكانه و منزله بقلوبنه ما تنوصف مع الاسف كامت جم جهره زفره تستغلنه بيهه و تلعب و ترقص بيها على احزانه و ما اريد اكلبه محاضره دينيه بس اقتضى التنويه
بس اريد اكول للسيد البغدادي و لكل اللي طالع مقاوله بال محمد و يعتبر نفسه متحدث حصري وشرعي بلسانهم و يكل للناس اذا تحبني تحبهم و اذا تكرهني تكرهم ,ان الله هو الذي يؤمن به..وحده لا شريك له.. و ما اريد العراقيين كلهم يصيرون مثل قريش يمن كالت لمحمد ابن عبد الله نحن نعبد الله الواحد الاحد ,اي نعبده, بس احنه نعبد الاصنام لاننا نعبد ما عبد ابائنا و اجدادنا (((((وهي تقربنا الى الله زلفا))))...مو؟
يعني احنه دنحجي بالسياسه و تبعيه الحكومه العراقيه -ان وجدت-لايران ليش نكلب كلشي دين؟.. طبعا الحجي هذه موجه اليه بالاول بس مكدرت ...اسف.

6 - الأستاذ سرمد علي الجراح المحترم
ليندا كبرييل ( 2013 / 2 / 20 - 03:40 )
يا ليتني أفهم لهجتكم العراقية ، أسمعها فأفهم معظمها ، أقرؤها في كتاباتك الساخرة فأضحك ، ليس للسخرية التي وردت بين عبارات مقالاتك بل لأني أشعر كاني متل الأطرش بالزفة . فالمعذرة أني لا أستطيع فهم لهجتكم تماماً مع أني متأكدة أنك تتناول مواضيع حساسة
ولعل الكتابة الساخرة من أصعب الفنون الأدبية ، تقبّل أسفي لعدم المشاركة
اليوم أشارك في الحملة لضم صوتي إلى كل صوت كريم ينادي بإطلاق سراح العلامة الكبير المحترم أحمد القبانجي .
أحييك أستاذ الجراح على اختيار هذا الموضوع مع احترامي وتقديري

7 - ردود الاصدقاء
سرمد الجراح ( 2013 / 2 / 20 - 14:05 )
الاستاذ السندي, نعم قد نختلف مع بعضنا في الاراء والمعتقدات, ولكن يجب ان نتظامن من اجل حرية التعبير للجميع, في وجه قوى الظلام وعبيد النصوص ومتحجري العقول وبائعي الذمم
شكرا لمرورك اخي الكريم
الاخ نيبيرو, هذه هي مصيبتنا كلمن يلزم المايكرفون لو تعلم يضرب على الكيبورد صار وكيل الله, وكام يدخل الناس جنه ونار بكيفه, من تكول للناس يابه هذا من حقه يكول رأيه ومن حقك انت كذلك, يكلك لا بس اني من حقي, لأن هذاك مايعترف بالنبي شعيب!!
أختي الكريمه ليندا, يسرني ويشرفني جدا وجود تعليق لك في مقالي. تعرفين وارجو ان تعذريني ايضا للكتابه باللهجه العراقيه لعدة اسباب, منها اعطاء الموضوع صبغه شعبيه مفهومه ومبسطه, وتظمينه القفشات الطريفه الموجوده في اللهجه, وقرب اللهجه العاميه من قلوب وعقولنا كعراقيين.
شكرا جزيلا لتظامنك معنا لصد الهجوم الظلامي, فكلنا في نفس الخندق
تحياتي للجميع

اخر الافلام

.. كل يوم - لقاء في الفن والثقافة والمجتمع مع الكاتب والمنتج د/

.. الفنان أحمد سلامة: الفنان أشرف عبد الغفور لم يرحل ولكنه باقي



.. إيهاب فهمي: الفنان أشرف عبد الغفور رمز من رموز الفن المصري و

.. كل يوم - د. مدحت العدل يوجه رسالة لـ محمد رمضان.. أين أنت من



.. كل يوم - الناقد الرياضي عصام شلتوت لـ خالد أبو بكر: مجلس إدا