الحوار المتمدن
- موبايل
الموقع
الرئيسي
وظائف شاغره في بلد الشيطان
سرمد علي الجراح
2013 / 3 / 19كتابات ساخرة
يعلن ابليس (عليه السلام) عن الوظائف التاليه في العراق نظرا للحاجه الماسه وتوسع الاعمال في كافة المجالات وبرواتب ومحفزات مغريه للغايه
فعلى من تنطبق عليه المواصفات المطلوبه, ومن يجد في نفسه الكفاءه, تقديم اوراقه لقسم الذاتيه في جهنم
وستجري مقابلة المتقدمين وتدريب المقبولين منهم, لتأهيلهم للعمل في العراق, اسوة بباقي زملائهم العاملين حاليا في مختلف مرافق الدوله والبلد
1) اعضاء مجالس محافظات ونواب برلمان جدد للدوره الانتخابيه القادمه, من اهم الشروط, ناجح بكل شئ في الحياة, لكن بدون اخلاق أومروءه أوانسانيه!!
2) رئيس وزراء على مسطبة الاحتياط, في حالة اجته للموجود, طلقه تايهه او عبوه لاسقه أو فياكرا مغشوشه أو نعال يوكع من الفضاء الخارجي على راسه وراس الخلفوه
الشروط المطلوبه, لزكه, تافه, ذيل لأيران سابقا ونعال مركوب لها لاحقا
3) رئيس احتياط للتيار الصدري على ان يكون غبي أبا عن جد, حتى يصير حبيبي!!
4) رؤساء للطائفه السنيه, الشروط, بدو, مخابيل, يكرهون كل ابناء بلدهم, والامريكان والروس والصينيين وجنوب افريقيا ونادي المريخ السوداني, يحبون الويسكي والصحابه!!
5) زعماء للبعث والقاعده, الشروط, خوش ولِد وشرفاء ويخافون الله ويصلون وقت بوقته, اختصاص تفخيخ ومقاومه وقتل عامي شامي, ويكون مطهر حتى يذبح بشر حلال, مثلهم الاعلى ميشيل عفلق وعمر بن الخطاب!!
6) رؤساء للطائفه الشيعيه, الشروط, لطامه, لوكيه, يؤمنون بولاية السفيه, غدارين بمن يأتمنهم, سفهاء, لايعرفون من الدنيا غير السرقه والرذيله
7) رئيس للمرجعيه في النجف, اخرس, اطرش, اعمى, كسيح, واهم شرط, ايراني!!
8) وظائف للكرد, هذوله ماعدنه وظائف شاغره يمهم لأن انطيناها مقاوله من زمان لال برزان
9) مواطنين, للموت بالمفخخات والتفجيرات, يستمعون لكل دجال أبو عمامه, أوحرامي أوساقط أوغبي, وسنشهد لهم امام ربهم بحسن الاستشهاد أو بالموت من الحر أو المرض أو الحسره والكمد, على عناد اللي خلقهم!! ويحيا العدل!!
|
التعليق والتصويت على الموضوع في الموقع الرئيسي
التعليقات
1 - شروط
حمورابي سعيد
(
2013 / 3 / 20 - 08:24
)
اخي سرمد...طرق سمعي بوجود وظيفة رئيس تيار اي سي دي سي ,ما هي الشروط المطلوبة؟ تحياتي
2 - واحنه؟
ايار العراقي
(
2013 / 3 / 20 - 09:24
)
عيني سرمد والعلمانيين؟اشو نسيتهم لو ماعدهم وظايف بعد بالعراق؟
يمعود شوفلنله فد اعلان ولو ربع مليون دولار بالسنة شنو قحط؟
3 - اضحكتني وابكيتني
يونس حنون
(
2013 / 3 / 20 - 13:20
)
عيوني ابو السرامد
بس اعتقد لازم توضح ان الوظيفة الاخيرة بدون راتب يعني تطوعية واذا كان المواطن مصرا على تقاضي اجر غير اجر رب العالمين فعليه ان يغير اختياره ويسعى لنيل واحدة من الوظائف الثمانية التي سبقتها
4 - أكو شغلات كثيره نسيته
علي الشمري
(
2013 / 3 / 20 - 20:57
)
الاخ سرمد الجراح المحترم
عيني لا تنسه مطلوب دفانه جدد لدفن ضحايا التفجيرات المستمرة,ومطلوب تجار أختصاص لاستيراد الاكفان ,وعلى البرلمان تشريع قانون سريع جدا يتم بموجبه تخصيص مساحات من الاراضي في كل مدن العراق كمقابر لاشلاء القتلى المجهولين الهويه.
تحياتي
5 - ردود الاصدقاء
سرمد الجراح
(
2013 / 3 / 21 - 08:34
)
العزيز حمورابي, مليون تيار بالعراق عدا التيار الكهربائي اي سي او دي سي, الشروط, خبير نركيله, تحياتي
الاخ العزيز أيار, العلمانيين بينا حظ بس باللغوه والحجي وماكو فعل, لذلك الشيخ ابليس لايعتمد علينا اطلاقا, تحياتي
دكتورنا العزيز يونس, هذا فاتني الاشاره له, هم شغل للشيطان وهم بلاش وهم موت وتكطيع, شنو هل رفاهيه, تحياتي
الاخ العزيز علي, حسب ما فهمته من سيادة ابليس, هاي الوظائف على الخطه الخمسميه الجديده, تحياتي
6 - كابتن و رقمه 10
نيبيرو
(
2013 / 3 / 25 - 18:59
)
وضيفه رقم 10 - ان يشبه المتقدم بالضروره النائب عباس البياتي ...لك يابه لو تدرون شكد احبه لهذه الشخص ,و ان يشبه صوته صوت مسعود المهرب القجقجقاني من ابتسم و كال اني كردي و طلب من المترجم يترجم من الكرديه الى لغه السنتر من بول بريمر - طلب من الساسه ان يختارون واحد متكلم يحجي بلسانهم -هاي قبل مجلس الحكم-هههههه
عفيه عفيه خلي هذا السؤال مال اختيار المتقدمين للوضائف :::اشرحلي باختصار كيف ان نوري المالكي احسن رئيس دوله اللي ميخلو يشتغل و بنفس الوقت هو ديشتغل و سوه شي , اكيد لان انته/انتي تحبه لان هو اشتغل بس ميخلو يشتغل و اذا ميخلو يشتغل يعني مشتغل و اذا مشتغل شلون عرفت انته زين و اذا الزين هو اليشتغل بس ماكو شغل معين و انجاز صار ..... سو
Try to figure this shit out
بس بعد ما نتيهه ابد ما نتيهه
.. تعرّفوا إلى قصة “الخلاف بين أصابع اليد الواحدة” المُعبرة مع
.. ما القيمة التاريخية والثقافية التي يتميز بها جبل أحد؟
.. فودكاست الميادين | مع الشاعر التونسي أنيس شوشان
.. حلقت شعرها عالهوا وشبيهة خالتها الفنانة #إلهام شاهين تفاصي
.. لما أم كلثوم من زمن الفن الجميل احنا نتصنف ايه؟! تصريحات م