الحوار المتمدن - موبايل
الموقع الرئيسي


عيش أعوج... واستشهد عدل

سرمد علي الجراح

2013 / 5 / 7
كتابات ساخرة


صارلي يومين من قريت خبر مقتل الشاب البصراوي دفاعا عن قبر!!!
ولحد الان أعاني من صدمه, وما جاي أكدر أصدگ أكو هيج مخلوقات تعتبر الموت عبثا أو غباءا أو رعونة, يصب في خدمة الدين أو الطائفه أو الله أو حتى في خدمة العظام وهي رميم
لايمكن تبرير الموت من اجل اي شئ (من وجهة نظري الشخصيه)
أما أن تموت من أجل گبر فهاي كلش جديده, وما أظن أحد مسويها من الانفجار العظيم قبل 14 مليار سنه, ولحد أول البارحه!!
هاي براءة اختراع تسجل للعراقيين ولا أعتقد ان هنالك غبي في الكون سوف يقوم بها ابدا!!
واحد هسه يطلعلي ويكول يابه تره المرحوم استشهد مو على مود گبر!! استشهد على مود العقيده والمبدأ!!
خوش, زين مو نبيكم يگول دم المسلم اكثر حرمه من الكعبه؟؟ لو هاي تعلسوها؟؟ لو يمكن قبر السيده زينب عنده ڨيتو حوزوي قمي قعدي؟؟
مو غريبه باچر واحد يستشهد دفاعا عن بزونة الصحابي ابو هريره!!
لو مرجع يعلن الجهاد دفاعا عن بايسكل جبريل!!
لو شيخ الازهر يكفر ويهدر دم من يقول, ان ادم چان يمشي بلا لبساس (كلسون)!!
المصيبه والقهر مو بس المات مكبسل, اللي طلعوا يشيعون وخبصوا الدنيا, تگول المرحوم اضبط من صلاح الدين, وفتح باب الثلاجه!!!
لو يمكن اخترع مكوك الخلاء!!
ولكم عمي تره هاي جماجمكم حتى ابو الباچه يخسر اذا يشتريها!!
لأن ماراح يلگه ولا شويه مخ بيها يبيعه..
ولكم البصره مابيها شي يشتغل مثل الاوادم, وعايشين حالكم حال ...... وهمين هذوله بالغرب عايشين احسن منكم وعدهم حقوق وقوانين تحميهم
وأنتوا ملتهين بسوالف حتى المخابيل مايشيلها عقلهم
اني مامقهور من هذوله اللي طلعوا تشييع, اللي قاهرني أكو كم واحد يفتهم بهل مهجومه, عايش بنصهم ولاحول ولا قوه
هسه اني صرت أؤمن أنو هيج شعب يستاهل يحكموه حراميه ومجرمين وسفله وساقطين
لذلك نصيحتي لكل انسان يفتهم وشريف, خلي يتكتّر ويكعد على صفحه وأمره لله
وخلي شيعتهم تحرگ سنتهم وبالعكس, واثنينهم الى جهنم وبئس المصير





التعليق والتصويت على الموضوع في الموقع الرئيسي


التعليقات

1 - براءة اختراع
محمد البدري ( 2013 / 5 / 7 - 22:11 )
كتابة جميلة باللغة الدارجة العراقية سمعتها كثيرا في اعمال فنية ومشاهدات تليفزيونية وما اجمل وقع نغماتها وتراكيبها الصوتية التي اقرؤها هنا في مقال اعلن التمرد علي الصديد الوافد من جزيرة العرب بصنفيه السني والشيعي لقد صبرت ارض العراق طويلا علي مرضها الديني وحان الاوان للخروج من عباءة العروبة والاسلام بكونها براءة اختراع تسجل للعراقيين. تحية للعزيز سرمد وللعراق العزيز

2 - ماساة
يونس حنون ( 2013 / 5 / 8 - 03:12 )
في العراق لدينا شريعة الميت ابقى من الحي
خاصة عندما يكون الاحياء ميتي العقول اصلا
تحية للمبدع الاصيل سرمد

اخر الافلام

.. الممثلة رولا حمادة تتأثر بعد حديثها عن رحيل الممثل فادي ابرا

.. جيران الفنان صلاح السعدنى : مش هيتعوض تانى راجل متواضع كان ب



.. ربنا يرحمك يا أرابيسك .. لقطات خاصة للفنان صلاح السعدنى قبل


.. آخر ظهور للفنان الراحل صلاح السعدني.. شوف قال إيه عن جيل الف



.. الحلقة السابعة لبرنامج على ضفاف المعرفة - لقاء مع الشاعر حسي